Gabriel Gutierrez eta Xabier Lujua irabazle Jaizkibelgo 48. Igoeran
Gabriel Gutierrez izan zen monoplazen artetik azkarrena. Igandean jokatu zen Jaizkibelgo 48 Jaizkibelgo Igoeran bi irabazle nagusi izan ziren: Gabriel Gutierrez monoplazen edo eserleku bakarreko autoen kategorian ( I kategoria), eta Xabier Lujua autoen kategorian (II kategoria). Osotara 62 ibilgailuk osatu zituzten denek egin behar zituzten bi igoerak, eta horietatik azkarrenak arestian aipatutakoak izan ziren, bi igoeren artetik denborarik onena kontuan hartuta betiere.
Eserleku bakarreko autoen edo monoplazen mailan zazpi partaide izan ziren denera; autoenean, berriz, 55. Sailkapen nagusi oso-osoa ikusteko esteka hau baliatu daiteke. Beheko zerrendan, bi kategoria nagusietako podiumak ikus daitezke.
Jaizkibel eskuderiak, Vasco Navarro autoen klubak, Gipuzkoako Automobilismo Federazioak eta Euskadiko Automobilismo Federazioak elkarlanean antolatu zuten igoera historikoaren 48. ekitaldia.
Monoplazen kategoria
- 1. Gabriel Gutierrez Siegrist (Tatuus FR 2.0 ESSS), 2.38.355 (minutuak, segundoak eta ehunekekoak)
- 2. Aitor Manso Garmendia (Talex M4), 2.40.664
- 3. Garikoitz Flores (Talex M3), 2.43.083
Autoen kategoria
- 1. Xabier Lujua Grijalvo (Alpine A110), 2.44.416 (minutuak, segundoak eta ehunekekoak)
- 2. Mikel Azkona Troyas (Hyundai Elantra N TCR), 2.45.551
- 3. Bruno Scherer (Porsche 991 Cup), 2.48.402
