Uda osteko lehen osoko bilkura egingo dute bihar
Gai nagusien artean Arritxuloko oroimen plakari egin zaion erasoa salatzeko mozioa eta 2027ko zerga ordenantzak daude.
Uda pasata, lehen osoko bilkura egingo dute bihar (hilak 23), 18:00etan hasita, udaletxeko areto nagusian. Besteak beste, honako gaiak nabarmendu dituzte gai zerrendatik: Arritxuloko oroimen plakari egin zaion erasoa salatzeko mozioa, Xorrola hiri barruko garraio zerbitzuaren kontratuaren esleipena eta 2027ko zerga ordenantzaren proposamena.
Alabaina, 0-2 eta 2 urteko geletako funtzionamenduari lotutako azken tramite batzuk ere izango dituzte mintzagai udalbatzarrean.
Honakoak izango dira biharko hamahiru puntuak:
- Aurreko bi batzarrei dagozkien aktak onartzea.
- Arritxuloko oroimen plakak jasan duen erasoa salatzeko mozioa.
- Oiartzungo Udalak 0-2 urte bitarteko haurrentzat, beren hezkuntza zaintza ingurune pertsonal eta kolektiboan, jantoki zerbitzua ematea.
- Urmendi eraikinetako hainbat unitateen lagapena Haurtzaro Ikastolaren alde.
- 2026rako zerga ordenantzaren hirugarren aldaketa: Oiartzungo haur eskolako jangela zerbitzuaren prezio publikoak ezartzea.
- 2027rako zerga ordenantzak.
- 2026ko irailetik abendura bitarteko ekarpena Oiartzungo Udal Ikastola Partzuergoari.
- Oiartzungo udal mugapean bidaiarien hiri garraio zerbitzua eta horretarako beharrezkoa den autobusaren hornidura kontratuaren esleipena.
- 2027. urteko jaieguna berrestea.
- Berri ematea: 2026/08 kreditu aldaketa.
- Berri ematea: 2026/09 kreditu aldaketa.
- Beste organoen jardueraren jarraipena.
- Eskari galderak.
