Egiar Otegi eta Julen Olaizola, Bilintx sariaren lehian
Otegik atzo izan zuen saioa Donosti-Berri elkartean. Oreretarraren txanda, berriz, urriaren 9an izango da, ACD Aiete elkartean.
Egiar Otegi Torres, 2025eko GIpuzkoako Eskolarteko Txapelketa irabazi berritan. Bertsoa.eus Bigarren urtez antolatu dute Bilintx saria, Donostia eta bertsoa uztartzea helburu duen txapelketa, eta atzo bertan eman zioten hasiera. Orotara 18 bertsolari ariko dira kantuan zenbait egunetan, tartean Egiar Otegi oiartzuarra eta Julen Olaizola oreretarra daudelarik.
Amarako Donosti -Berri elkartean izan zen lehenengo saioa; Otegik bertan hartu zuen parte, baina ez zuen aurrera egin. Harekin batera kantuan Manex Mujika, Antton Fernandez, Oier Etxeberria, Asier Ibarguren eta Iker Uriarte aritu ziren.
Atzoko saioa lehenengo finalerdia zen, eta bigarrena urriaren 2an izango da, Marruma elkartean. Olaizolaren txanda, haatik, hirugarren finalerdian izango da, urriaren 9an, hain justu, ACD Aiete elkartean.
Oreretarraren hitzordua 20:30ean izango da, eta harekin batera ariko dira Miren Artetxe, Jon Altuna, Beñat Gaztelumendi, Andoitz Urdapilleta eta Ekain Tolaretxipi.
Finalerdietako txartelek 20 euroko prezioa dute, eta erreserba egiteko 686 99 35 74 zenbakira idatzi behar da.
Finala urriaren 16an izango da, 19:00etan, San Telmo museoan, eta sarrera doan izango da.
