'Euskaraz barra-barra' aritu nahi dutelako
Oarsoaldeko lau herrietan euskararen erabilera sustatzeko kanpaina abiatuko dute, eta oraingoan markesinak izango dira elementu nagusia.
Oiartzungo markesina bat, artxiboko irudi batean. Oarsoaldeko lau herriak, Errenteriak, Oiartzunek, Lezok eta Pasaiak, hain zuzen, Euskaraz barra-barra sustatzeko kanpaina bat abiatuko dute, eta dinamika horren barruan lau herrietako zenbait autobus geltokietako markesinetan argazkiak jartzea pentsatu dute.
Hori egikaritzeko, herri bakoitzeko hiru establezimendu aukeratu behar ziren kanpainan parte hartzeko; hasieran sei markesina izango zirela esan zuten, baina azkenean bost izango dira, eta denek kopuru bera izate aldera establezimendu gehiago aukeratzea erabaki dute.
Kanpaina hori azaroa-abendua bitartean izango da, eta argazkia hautatutako establezimenduan aterako dute. Era berean, bertan lan egiten duten langileen zein establezimenduaren beraren izena ere agertuko da irudian –kanpainan parte hartzeko mezu elektroniko bat idatzi behar da helbide honetara–.
Azkenik, nabarmendu dute bi establezimendu baino gehiago aurkeztuko balira zozketa egingo luketela urriaren 1an. Hots, jakinarazi dute Bixigarri gastroteka, Adarzuri aholkularitza eta N. Cabada Hortz klinika zozketatik kanpo gelditu direla uztaileko zozketako irabazle izan zirelako.
