Xabier Salillas, master onena Ferrolen
Martxa lasterkari antxotarrak 101 kilometroko proba bat jokatu zuen larunbatean Galizian. Hamargarren izan da sailkapenean, eta lehena master mailan.
Xabier Salillas martxa lasterkari antxotarrak bide onetik jarraitzen du. Azken asteetan Bordelen eta Kantabrian maila aparta eman eta postu bikainak lortu ondoren, Ferrolen (Galizia) lehiatu zen Salillas larunbatean. Els Sitges Burjassot taldeko antxotarrak 101 kilometroko proba bat osatu zuen Ferrolen, eta hamargarren izan da sailkapen nagusian. Jokatutako azken proban egin bezala, 50 urtetik gorako master mailan onena izan da Salillas. Lortutakoak, gainera, meritu handia du, gainontzeko parte hartzaileek lasterka egin baitzuten, Salillas martxan aritu zen bitartean.
Erlazionatutako edukia«Deskonektatzeko baliatzen dut atletismoa»
