Geologiaz eta gizakiaz ariko dira Altzibartik Karrikara bidean
Luberri museoak 'Geologia eta gizakia' bisita komentatua antolatu du larunbaterako (urriak 3). 10:00etan izango da, eta izena eman behar da.
Luberri museoko erakusketa iraunkorreko irudi bat. luberrimuseoa.eus Luberri museoak ‘Geologia eta gizakia’ bisita komentatua egingo du larunbatean (urriak 3), Altzibartik Karrikara. Meatzaritza eta trengintza arloekin lotura dute Karriak eta Ergoienek, XX. mendearen lehen erdian auzo horietatik igarotzen baitziren, hurrenez hurren, Artikutzako zein Arditurriko trenak.
Luberritik kontatu dutenez, aipatutako lehenengo trenaren helmuga Orereta zen; bertaraino garraiatzen zituen mineralak zein egurrezko baliabideak, gero lur bidezko sakabanaketa egiteko. Arditurriko trenak, haatik, mineralak Pasaiako Badiaraino garraiatzen zituen behin hara iritsita itsasontzietan kargatzeko.
Larunbateko hitzorduan, hortaz, Oiartzun inguruko mineralen jatorri geologikoa izango dute mintzagai, baita Arditurriko zein Artikutzako baliabideen ustiaketa eta garraioa ere.
Ibilaldia 10:00etan izango da, eta abiapuntua Altzibargo aparkaleku publikoa da. Izena emateko 943 26 05 93 zenbakira deitu edota mezu elektroniko bat idatzi behar da. Sei euro balio du bisitak.
