Hogei urte, hamabost garagardo eta zenbait zozketa garagardo festan
Ostegunetik (hilak 8) igandera bitartean izango da XX. garagardo azoka. Bihar, baina, Palestinaren inguruan ariko dira Aldeguna elkartean.
Oiartzungo garagardo azokak bere bidea egin du. Hogei urte beteko ditu dagoeneko aurten, eta ez diote data horri nolanahi alde egiten utzi nahi. Horregatik, hilaren 8tik 11ra Madalensoro plazan izango den jaialdian zenbait berritasun iragarri dituzte. Ostegunean 19:00etan irekiko dituzte ateak, eta gaueko hamabiak arte garagardoaz eta jakiez gozatzeko aukera izango dute herritarrek.
Ostiralean eta larunbatean, baina, 19:00etatik goizeko hirurak arte luzatuko dute festa, musika izango baitute zuzenean. Ostiralean Dj Bullen saioa izango da hamabietan hasita.
Alabaina, bi egun horietan 22:00-23:00 artean zozketa bereziak egingo dituztela iragarri dute antolatzaileek. Igandean, azkenik, 19:00etatik 01:00etara irekiko dute azoka.
‘Palestina gaur’ hitzaldia, bihar
Aurten, Oiartzungo garagardo azokako antolatzaileek hitzordu berezi bat prestatu dute jaialdiaren bezperarako. Izan ere, bihar (hilak 7) Palestina gaur. Konpromisoen dinamika eta etorkizuneko perspektiba. hitzaldia emango du Ibon Meñika Gernika-Palestinako bozeramaileak.
Hitzordua Arraguako Aldeguna elkartean izango da, 18:30ean.
Garagardo azokako eskaintza
Aurtengo azokan, hamabost garagardo dastatzeko aukera izango da:
- Budejovicky budvar – Txekia.
- Asahi – Japonia.
- Staropramen – Txekia.
- Daura damm gluten free – Katalunia.
- Stella artois – Flandria.
- Oro bilbao – Herrialde Katalanak.
- LEFFE Rouge – Belgika.
- Grimbergen dubbel ambré – Belgika.
- La sagra – Espainia (Toledo).
- LEFFE Brune – Belgika.
- O’Hara’S celtic stout – Irlanda.
- Erdinger – Alemania.
- Inedit damm – Katalunia.
- B-lemon – Galizia.
- Keler 0,0 – Euskal Herria.
