Saltoka ospatu dute Zazpi jauzi eguna
Oiartzungo Gure Eskuk Zazpi jauzi eguna ospatu zuen atzo, eta, besteak beste 'Zazpi jauziz, herri bat' egunerako bideoa grabatu zuten.
Oiartzungo Gure Eskuk Zazpi jauzi eguna ospatu zuen atzo. Izan ere, Gure Eskuk Zazpi jauziz, herri bat dinamika egingo du hilaren 25ean Euskal Herriko zazpi hiriburuetan, honakoa aldarrikatzeko: euskal nazioaren aitortzan jauzi bat behar dela, Euskal Herriko lurraldeen arteko kohesioan jauzia behar dela, euskararen normalizazioan jauzi bat behar dela, eta, azkenik, burujabetza osoaren bidean ere jauzi bat behar dela.
Hori horrela, oiartzuarrek egun osoko egitaraua izan zuten atzokoan. Muxikoak izan zituzten lehenbizi Iturriotzen Oinkada taldearekin, eta kalejira egin zuten gero Madalensorora joateko. Han bazkaldu, eta azkenik 7 jauzi entrenamendua eta hilaren 25erako bideoaren grabaketa egin zituzten.
Honakoak Aitziber Arnaiz herritarraren irudietako batzuk dira, baina argazki eta bideo sorta guztia ikusteko egin klik hemen.
