'Euskaraz barra-barra' ziurtagiria eskatzeko gonbita egin du udalak
Ziurtagiria eskatzeko Ttur-tturrekin jarri behar da harremanetan. Euskaraz egiten duten bezeroek zozketa batean parte hartzeko aukera izango dute.
Oiartzungo Udalak Euskaraz barra-barra ziurtagiria eskatzera bultzatu ditu oraindik bereizgarri hori ez duten herriko establezimenduak. Egitasmoa merkataritza, ostalaritza eta zerbitzuen sektoreetan euskararen erabilera bultzatzeko sortu zuten, eta besteak beste, euskaraz aritzeko guneak identifikatzea, euskarazko zerbitzuen balioa nabarmendu eta hauspotzea eta kontsumitzaileen hizkuntz estresa gutxitzea dira haren helburuak.
Aipatutako ziurtagiri hori eskuratu nahi duten establezimenduek Ttur-ttur euskaltzaleon bilgunearekin jarri behar dira harremanetan mezu elektroniko bidez edota 943 26 01 82 zenbakira deituta. Hilaren 12a da horretarako azken eguna.
Herritarrei zuzendutako kanpainan parte hartzeko eskaera esteka honetan egin behar da hilaren 16tik abenduaren 1era bitartean, eta saria udalak 2027an antolatuko dituen euskarazko kultur emanaldi guztietarako bi sarrera izango da.
Zozketa horretan Euskaraz barra-barra edo Bai euskarari ziurtagiria duten establezimenduetan euskaraz egiten duten bezeroek hartuko ahal izango dute parte. Establezimenduek zozketarako txartelak banatu nahi badituzte hemen egin behar dute eskaera.
