“Edozein dela ere bere jatorria eta izaera, indarkeria politika egiteko edo helburu politikoak lortzeko erabiltzea” gaitzetsi zuen atzo Udalbatzak PSE-EE, EAJ, EB eta PPren aldeko botoekin. “Arbuio honek, ETA barneratzen du, pertsonen oinarrizko eskubideak eta askatasuna urratzen dituzten jokabideak erabiltzeagatik”, esan zuen EAJko Maite Peñak, mozioa aurkeztu zuten PSE-EE, EB eta EAJ alderdien izenean. Halaber, elkarrizketaren alde egin zuen plenoak “horren bidez indarkeriari amaiera emateko aukera egokia sortzen bada, berarekin bukatzeko benetako borondatean oinarrituz eta nahi hori argi eta garbi azaltzen duten jarrerak ikusten badira”. PPk ETAren indarkeria gaitzesteko mozioa aurkeztu zuen herenegungo udal osoko bilkuran, baina PSE-EE, EAJ eta EBk mozio alternatiboa aurkeztu zuten eta horrek egin zuen aurrera aurkeztu zuten hiru alderdi politikoen eta PPko bi zinegotzien aldeko botoekin. Mozio alternatiboaren helburua “adostasun ahalik eta zabalenera heltzea da sentsibilitate guztiak errespetatuta”, esan zuen Peñak. Gaineratu zuenez, “badirudi lortu dugula, gehiengoak bat egin duelako mozioarekin”. EBko zinegotzi Jose Manuel Ferradasek, udalak “gizarteak pakea lortzeko duen desioa egi bihurtzeko protagonista aktiboak» izan behar duela esan zuen. Halaber, ezberdintasunik gabe “biktima guztien sufrimendua aitortu” behar dela eta alderdi interesen arabera “azken horiek politikoki ez erabiltzeko” eskatu zuen Ferradasek. Eskubide zibil eta politikoak Bildu koalizioak ez zuen mozioaren bozketan parte hartu, bai, [...]
Akordioa aurkeztu dute Bilduk eta Ezker Batuak lau urteetarako eta gastu politikoa murrizteko proposamena azaldu
Lan jazarpenen ikerketa batzordeak ateratako ondorioen ondoren, Ezker Batuak (EB) adierazi du erantzuleak nortzuk diren eta euren erantzukizun maila zein den argitzea epaileen eginkizuna dela: “Behin epaileek erantzukizun posibleen epai irmoa ate...
EBren hautagaiak, Arantza Gonzalez buru zela, Catelsako langileekin izan dira. Jakina denez borrokan ari dira Catelsako langileak, enpresak hamar urtez ebentual gisa aritutako hamasei langile kaleratu nahi dituztela eta. “Prekarietatearen kontra ari den jende konprometitu eta borrokalariari babesa agertzera etorri gara”, esan zuen Gonzalezek.
Arantza Gonzalez (Beasain, 1964) da Ezker Batua (EB) alderdiaren hautagaia Gipuzkoako Foru Aldundiko ahaldun nagusia izateko. Gogor kritikatu du administrazio horren azken lau urteetako jarduna, zerga politikari eta Pasaiaren birgaitzeari dagokionez. EBk, dio Gonzalezek, birgaitzearen alde egingo du, kanpo kairik gabe, zerga politika justuagoa bultzatuko du, eta herritarren parte hartzerako bide berriak bilatuko ditu Azkeneko lau urteak. Zein balorazio egiten duzu Gipuzkoako Foru Aldundiaren jardunari buruz? Azkeneko lau urteetan, Gipuzkoako Foru Aldundiaren lanaren ezaugarri nagusia izan da eliteentzako eta diru gehien dutenentzako zerga politika aplikatzea. Horren adibidea da ondare zerga bertan behera utzi izana. Horren ondorioz, Ogasunak urtero 50 milioi euro gutxiago jasotzen ditu. Bestalde, elkarteen zerga ere jaitsi dute. Oso garrantzitsua da gogoraraztea irabaziak dituzten enpresek bakarrik ordaintzen dutela zerga hori, eta hala ere, jaitsi egin dute. Egun, etekinak dituzten enpresek %15 ordaintzen dute zerga hori. Langileok, ordea, %21 ordaintzen dugu. Laburbilduz, Gipuzkoako Foru Aldundiak azken urteetan martxan jarri duen zerga politikaren ondorioz, Ogasunak 300 milioi euro gutxiago jasotzen ditu urtean. Zerga politika guztiz erregresiboa (atzeragarria) izan da, guztiz eskuinekoa eta bakarrik gutxi batzuen onurarako pentsatua, eta, noski, langileen kalterako. Pasaiari dagokionez, zer balorazio egiten duzu? Galdutako lau urte izan dira, Gipuzkoako Foru Aldunditik begiratuta, behintzat. Kanpo kaia izan [...]
Kanpo kaiak baino kalitatezko lanpostu gehiago sorraraziko dituela sinetsita, badia biziberritzeko eredu iraunkorraren beldur ez izateko eskatu die EBk pasaitarrei. Biziberritzea modernizazioaren bidez egin daitekeela uste du EBk , herritarren parte ha...
Jose Manuel Ferradas EB Ezker Batuko bozeramaileak Hirigintza batzordean eskatu du etxe azpietako transformadoreak ikuskatzeko. Zehazki, udal teknikariek instalazio horiek osasunean eragina duten edo ez aztertzea nahi du EBk, eta eragin horiek leunduko...
Ezker Batuak (EB) PSE-EE egiten ari den propaganda salatu du. EBk azaldu duenez, azken egunetan bi liburuxka jaso dituzte herritarrek euren postontzietan “antza denez, multzo berekoak eta bereizi ezinak zirenak, bata bestearen gainean tolestuta&#...
Ezker Batuak Lezoko alkategaia aurkeztu du. Juan Cendon izango da koalizio ezkertiarraren zerrendaburua. Aurreko udal hauteskundeetan hirugarren postuan joan zen Cendon. EBk jakinarazi duenez, ibilbide luzea du mugimendu ekologistan. “San Markoko zabortegiaren kontrako borrokan paper nabarmena jokatu zuen, baita Donibaneko termika ixteko eskatzen zuen borrokan ere”, esan du koalizioak. Gaur egun errauste-plantaren aurkako mugimenduan ari da buru belarri. “Euskal ezker ez independentistaren hautagaitza bakarra” aurkeztu du EBk Lezon, eta orain arte lortu duten ordezkaritza errepikatzea helburu dutela adierazi dute. “Ingurugiroaren eta osasunaren alde” EBk azaldu duenez, herritarren parte hartzea bultzatuko du, “batez ere Lurraldeko Zatikako Plana aurkakotasuna azaltzeko edo badiaren birgaitzerako”. Bi gai horiek Lezori eragiten diotela nabarmendu dute. Errausketaren aurkakoa da Cendon eta horregatik atez ateko bilketaren aldeko apustua egingo dute, “sistema bideragarria eta eraginkorra delako”. Horrela, lezoarren osasunaren eta ingurugiroaren defentsa egingo dutela esan dute. Gainera, gizarte zerbitzuen alde egingo dute.
Udalaren egoera ekonomiko zailari aurre egiteko aukera galdu dela eta proposamenak zehaztasun falta daukala iritzita aurrekontuen proiektuari osoko zuzenketa aurkeztuko dio Ezker Batuak (EB): “Estalki puntual bat da, eta Merinoren premiazko beharrei erantzuten die azken lau urteetako kudeaketa txarra justifikatzeko”. Hain zuzen, datorren ostegunean dira udalbatzarrera eramatekoak 2011ko aurrekontuak. Gaur goizean, agerraldia egin du EBk, eta jakinarazi duenez, iaz onartu zizkieten lau zuzenketatik bakar bat ere ez da aurrera eraman: “Gure zuzenketetara bideratutako 94.000 eurotik bakar bat ere ez da gastatu”, adierazi du Jose Manuel Ferradas EBko bozeramaileak. Osoko zuzenketa aurkeztearen beste arrazoietako bat izan da proposamenak ez duela plan ekonomikorik biltzen, “nahiz eta bere garaian jakinarazi ziguten lan talde bat jarriko zutela plan hori martxan jartzeko”. Aurrekontu proiektuari osoko zuzenketa aurkezteko foru arau bati ere egin dio erreferentzia Ferradasek: “21/2003 arauko 15.2 artikuluaren arabera, Udalbatzak behin betiko onartu beharko lituzke aplikatuko diren ekitaldiaren aurreko urteko abenduaren 31 baino lehen”. Beraz, ez zaio zentzuzkoa iruditzen aurrekontuak orain onartzea. Zehaztasun falta Diru sarrerei eta gastuei begiratuta, berriz, zalantzan jarri ditu aurreikuspen batzuk Ferradasek. Esate baterako, Udalak finantzatzeko foru funtsaren ekarpena “%3,92ko hazkundearekin”. Gogorarazi du funts hori itxi zenean Udalak dirua bueltatu behar izan zuela. Gastuei dagokionez, berriz, kalkulu batzuk behetik egin [...]
“Errealitateari erantzun nahia baino, marketin kanpaina” ikusten du Ezker Batuak (EB) Portu Agintaritzako Administrazio Kontseiluak onartu berri duen Ingurumen Txostenean: “Berritutako txostenean, aurreko planari aurkeztutako alegazio...
Alderdi Sozialistak une hauetan ezkerrerantz egin dituen mugimenduak, egiazko konbentzimenduak baino, azaroaren 20ko kongresurako eta senaturako hauteskundeen gertutasunak eragindakoak dira. Hori argi ikusten duenetakoa naiz. Alderdi Sozialista ezkertiarrez mozorrotu da beste behin, gizarte politiken zain dagoen hautesleria engainatzeko. Sigletara fidela den hautesleria, komunikabideek lokartutako hautesleria, eta estatuko politiken nahiz politika autonomikoen gaineko hausnarketa egiteko denbora hartu ez duena, ezker progresistaren mozorroaren atzean, neoliberalismoaren postulatu zaharrenak besarkatzen dituena politika ikusi ahal izateko; ongizate estatuaren zutoinak errotik erasotzen dituen politika. Testuinguru honetan kokatu behar da gure Lehendakariaren azken burutazioa: azpiegituren bikoizketa, aholkulari taldearen txostenak lagunduta. Hamarkaden ondotik, sozialistek argia ikusi dute azkenean, eta harritzekoa bada ere, gure alderdiak, EB-Berdeak-ek urtetan defenditu dituen ondorio beretara iritsi da, hain zuzen, sozialistek EAJrekin eta PPrekin batera leporatzen gaituzten ondorio berberetara, eta norabide horretan egiten genituen proposamenen kontra behin eta berriz botoa eman badute ere. Baina ikus dezagun Lehendakariak non huts egiten duen. Nire ustez lehendakaria ezin da mugatu zerk ez duen funtzionatzen esatera eta salatzera. Gaizki dabilena eraldatzeko proposamenak plazaratu behar ditu baita ere. Baina dirudienez, ez ditu aipatu proposamenak, beraz eztabaidak zentzua galtzen du, eta hauteskundeetarako erreklamo gisa baino ezin dira ulertu. Azpiegiturekin, une hauetan, kexu agertzen da, baina aipatutako batzuk azter ditzagun: Aireportua: [...]
Ezker Batuaren (EB) eta Bilduren hautagaiak Catelsako langileekin izan dira. Ezker Batuko Arantza Gonzalez Aldundirako hautagaia, eta Jose Manuel Ferradas eta Xabier Pombo, Errenteria-Oreretako eta Pasaiako alkategaiak ostiralean izan ziren enpresan. “Prekarietatearen kontra ari den jende konprometitu eta borrokalariari babesa agertzera etorri gara”, esan zuen Gonzalezek. Larunbatean, berriz, Errenteria-Oreretako Bilduko hautagaiak izan ziren langileekin, tartean Julen Mendoza alkategaia. Langileei babesa agertzeaz gain, enpresak bere langileekiko duen jarrera salatu zuten.
OiartzunBairen (OB) ustez, Altzibarko Olalde eremuan etxebizitza gehiago eraiki baino lehen, beste gai batzuk jorratu behar dira, tartean saihesbidearena: “Olaldeko etxeen gaia saldu nahi du Udalak, auzogune historikoa eta Agerrealde baino lehen, baina zonalde hori behar bezala garatzeko, inbertsio garrantzitsuak egin behar dira aurretik, irisgarritasuna bermatzeko; saihesbidea Agerrealde atzetik garatu eta biribilguneak egin saihesbidearen hasieran zein bukaeran egin, esaterako”. Egungo egoeran, etxebizitza berriekin batera etorriko den trafikoa ezingo luke jasan Altzibarrek, OBren iritziz: “Ezin da etxeez bakarrik hitz egin. Zerbitzuak eta beharrak aintzat hartu behar dira, eta hori ez dute egin”. OB ados dago, orokorrean, Altzibarri dagokion proiektuarekin, Altzibartik trafikoa ateratzen duelako, eta aparkalekuak, auzoarentzako eremu publikoak, plaza eta pilotalekua ere aurreikusten dituelako. Gainera, OBk gogorarazi duenez, proiektuak “jarduera ekonomiko gogaikarriak” ateratzen ditu auzotik eta horren alde dago. Baina proiektua aurrera eramateko modua kritikatu du: “Gobernu Taldeak proiektua teilatutik hasi du, beste behin. Bailararen bukaeran presio gehiago sortuko du proiektua horrela aurrera eramaten badu, eta oraindik ez dago trafikoaren arazoa konponduta. Ez dago konponduta Altzibarkoa, baina ezta Ugaldetxotik eta, are gehiago, Arraguatik datorren trafikoaren arazoa ere”. Bestalde, Udal Gobernu Taldea publizitatea egiten ari dela dio OBk, hauteskunde bezperan egonagatik: “2007an onartu zen Altzibarko proiektua eta ez dugu uste 2012ra arte [...]
Gaur aurkeztu du Ezker Batuak (EB) bere alkatetzarako hautagaia: Xabier Pombo. Egungo Pasaiako EBko bozeramailea alderdikidez lagunduta egon da aurkezpenean, tartean Mikel Arana alderdiko koordinatzailea, Arantxa Gonzalez batzar nagusietako ordezkaria ...
Txirrita plazak duen egoera “tamalgarria” salatu du Ezker Batuak: “Aisialdi gunea izan behar zuena erabat utzita daukate Udal ordezkariek”. Euria egiten duen egunetan lehengo Onbide zinemen orubea lokatzez betetzen dela jakinara...
Herriko autobusak Lurraldebusen sartzeko eskaera egin ostean, hurrengo urratsa Gipuzkoako Foru Aldundiarekin lankidetza akordioa sinatzea zela adierazi du Ezker Batuak (EB), baina urtebete pasatu dela eta hitzarmen hori sinatzeko ahaleginik ez dela egin kritikatu du. Pasa den urtean lehenengo pausoa eman zela gogorarazi du EBk: “60.000 euroko partida sartzea lortu zuen EBk herriko autobusak Lurraldebusen baitan sartzeko”. Hori otsailean izan zela azaldu du. Hurrengo urratsa, baina, ez dela eman salatu du: “Arrasateko autobusak sartu dira Lurraldebusen, baita Hernanikoak ere. Eta zergatik ez Errenteria? 2009tik iragartzen ari dira, baina oraindik ez da iritsi”. Ildo horretatik, Juan Carlos Merino alkateak Lurraldebusen sartzearen beharra aztertzeaz hitz egiten duela adierazi du: “Baina zeren zalantzak ditu?”. “EBren partidak ez dituzte aintzat hartu” Horrez gain, Udal Gobernuak 2010eko aurrekontuen baitan zeuden partidak ere ez dituela aintzat hartu salatu du EBk: “Ezta euro bat ere igogailuak jartzeko laguntzetan; ezta euro bat ere hesi arkitektonikoetan; ezta euro bat ere eskola materialean. Zertan gastatzen du dirua Errenteriako Udalak?”. Haatik, publizitate eta propagandako diru kopurua %116,60 izan dela jakinarazi du EBk; alegia, aurrekontuan zehaztutakoa baino gehiago. Zentzu horretan, udal taldeak “argazkia” ez duen edozer gauzari jaramonik ez diola egiten iritzi dio EBk. Kudeaketa faltaren adibide dela esan du, 2011ko aurrekontuak [...]
Ezker Batuak (EB) gazteen lokalen jarduera arautuko duen udal ordenantza egiteko parte-hartze prozesua martxan jartzeko eskatu du. EBren arabera, ordenantza horrek herritarren parte-hartze prozesu baten ondorio izan behar du, eta bertan, gazteek beraie...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
