Laurak Bat elkarteak antolatutako pintxo lehiaketa Prost! eta Ekarri tabernek irabazi dute. Prost!-ek profesionalek osatutako epaimahaiaren lehen saria eskuratu du, eta Ekarrik, berriz, bezeroek hala hautatuta irabazi dute sari nagusia. Iparra eta Mimos tabernek,
Zuketz tabernak irabazi du presoen aldeko III. Pintxo Lehiaketa iaz bezala. Hirugarren ekitaldian 22 parte hartzaile izan dira.
Etzi eguerdian gosez denak mokadutxoa jateko aukera bikaina izango du, Foru plazan: miniaturazko plateren usain zein koloreak zabalduko dira plazan zehar. Izan ere, Herrirak antolatuta, pintxo lehiaketa egingo dute. 12:00etan hasiko da. 2010. urtean egin zuten lehen aldiz, “euskal presoen eta iheslarien gaia gizartaratzeko asmoarekin”, eta aurten ere helburu berari eutsi diote. Gogoan izango dituzte etxean ez dauden senitarteko eta lagunak, eta aurreko urteetan eurek egindako eskulanak jarri bazituzten, aurten argazkiekin zerbait egiteko asmoa dute. Antolatzaileen esanetan, 25 parte hartzailek eman dute baietza, eta horien artean, elkarte berriak sartu dira, sukaldaritza arloan izena daukan Batzokia, esaterako. Horrenbestez, antolatzaileen ustez, aurten, “konpetentzia handiagoa” izango da. Gaineratu dutenez, “urtero arrakasta handia du” lehiaketak. Parte hartze irekia Pintxo lehiaketara aurkezteko ez da aurretik izenik eman behar. Antolakuntzak zehaztu duenez, parte hartzea irekia da, eta nahikoa da lehiaketaren egunean bertan, 12:00etan, pintxoekin aurkeztea. Guztira, hamar pintxo eraman beharko dira, guztiak berdinak. Pintxoak mahaiaren bueltan jarriko dituzte, eta ondoren, epaimahaiak erabakiko du zein den guztietan onena. Aurten, Niessen elkarteko kide batek, Euskaldarrak elkarteak antolatzen duen Gastronomia Erakustaldiko irabazleak eta preso baten senide batek osatuko dute. Horiek, hainbat faktore edukiko dituzte kontuan: pintxoaren presentzia, zaporea… Irabazten duenari opari bat egingo diote. Aurten, hain zuzen, tailatutako kutxa [...]
Kaialdeko Oscar Gonzalezen Txipiroiak tintan, Gran Soeko Bixeten Muñozen Pepis andereñoa eta Goxodendako Carlos Nuezen eta David de la Calleren txerri esku coulant-a eta piper txorizeroen praline-a. Hondarribiko hiru pintxo horiek lortu dute Valladolideko Pintxo Lehiaketa Nazionaleko finalerako txartela. Azaroaren 7tik 9ra egingo dute lehiaketaren azken txanpa. Hondarribiak lortu du Gipuzkoa Valladoliden ordezkatzea, Irunekin batera. Gipuzkoatik lehiaketara aurkeztu duten laugarren pintxoa Gaztelumendiko Felix Mansorena eta Angela Basaberena da.
Bost milioi ikusle dituen M6 telebista kate frantsesak, Hondarribiko pintxoen erreportajea eskainiko du. New York Times eta Hendaiatik dazoten herritarrek gomendatuta, Bixente Muñoz sukaldariaren gidaritzapean Hondarribia bisitatu dute. Horrela, San ...
Niessen elkarteak antolatuta, eta Agrocomercial Uranzuren laguntzarekin, II. Odolki Pintxo Lehiaketa egingo dute hilaren 26an, 27an eta 28an. Herriko hamar elkartek (Bukagaitz, Landare, Gau Txori, Lagunak, Txintxarri, Alkartasuna, Ostarte, Batasuna, Eu...
“Krisi garaiek kontsumitzaileen aukerak murriztu” dituztelako, herriko ostalariek Hondarribiko Pintxo 2.0 ekimenarekin jarraituko dute uztailaren 19a arte. Portuko zazpi tabernak eta Amuteko batek jarraituko dute martxoan hasi zuten ekimenarekin. “Moda bat dela badakigu, baina Hondarribiko kasuan, bi euroren truke pintxoa eta tragoska eskaintzeaz gain, kalitatea zaindu nahi dugu. Maila handiko lokal eta sukaldariak daude Hondarribian”, azaldu zuen Ion Bergarak, Enbata tabernako arduradun eta ekimeneko partaideak. Asteazken eta ostegunero Hondarribiko Pintxo 2.0 ekimena asteazken eta ostegunero egiten dute, eta bertako tabernariek eta Hondarribiko Ostalaritza Elkarteak sustatuta sortu dute. Astero egiten dute eskaintza berezia, jaiegunetan eta jai bezperatan izan ezik, eguerdian eta gauean, uztailaren 19a arte. “Bezeroak erakarri eta bertako ostalaritza dinamizatu nahi dugu, baina hondarribiarrei zuzenduta dago bereziki, pintxo berriak eskainiko baititugu astero, ardo edo bestelako edariekin lagunduta”, azaldu zuen Bergarak. Zortzi parte hartzaile Uztailaren 19a arte Hondarribiko Pintxo 2.0 ekimenean parte hartuko duten zortzi tabernak honakoak dira: San Pedro kaleko Ignacio, Itxaropena, Lekuona eta Yola Berri; Zuloaga kaleko Hondar eta Enbata; Almirante Alonso kaleko Kai Zaharra eta Amute auzoko Casa Manolo.
Tequila edo Los Rodriguez talde ezagunetako kide izandako Ariel Rot gitarra jotzaile eta abeslaria Hondarribian izan da aste honetan. Bakarlari bezala ere hainbat lan egin ditu. Besteak beste, herria ezagutzeaz gain, pintxoak jaten izan zen gurean. Bixente Muñozen Gran Sol jatetxea bisitatu zuen, besteak beste (irudian). “Plazer bat izan da bertako pintxoak dastatzea, are gehiago horien filosofia zein den azaldu didatenean. Dena oso goxoa zegoen”, esan duen Argentinako musikariak. Bixente Muñoz ere pozik zegoen bisitariaren jarrerarekin: “Pertsona umila, hurbila eta apala da. Esan dizkiodan gauza guztiengatik interes handia azaldu du”.
Asteburuan Hondarribian Erdi Aroko V. Nazioarteko Pintxo Lehiaketa egingo dute, eta Erdi Aroko Hiri Eta Hiribilduen Sareko partaide diren hamabi hirietatik hamar hiritako sukaldariek parte hartuko dute. Gorka Irisarrik, San Nikolas kantinako sukaldariak, ordezkatuko du Hondarribia lehiaketan eta parte hartzeko baldintza bakarra, Erdi Aroan existitzen ziren produktuak erabilita egindako pintxoak aurkeztea da. Irisarrik, martxoan egin zuten Hondarribiko Erdi Aroko Pintxo Lehiaketan lortu zuen Hondarribia ordezkatzeko saria. «Jai eta kultur giroko asteburua antolatu dugu lehiaketaren inguruan, eta Ostalarien Elkarteak, Merkatarien Elkarteak eta Klink Elkarteak parte hartu dute zuzenean. Lehiaketa Klink elkartean egingo da eta guztiei egindako lana eskertu nahi diet», adierazi du Txomin Sagarzazuk, Kultur eta Turismo arloko zuzendariak. «Guztion artean lehen mailako lehiaketa egin dezakegu eta asteburu berezia antola dezakegu».
Gazteek martxorako antolatutako ekimenetako lehenengoa gaur egingo dute: pintxo-pote. 19:00etatik aurrera izango da, Kataxulo Gaztetxian. Gazteek merke izango dituzte tragoak, eta pintxoa opari.
Etzi edaria hartzearekin batera jateko aukera izango da Aker tabernan (Maria Lezo kalean dago). Hainbat pintxoren artean aukeratu ahal izango dute bezeroek: hanburger txikia, hot dog txikiak, patata tortilla eta itsaskiak. 19:00etatik 22:00etara egongo...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
