







Jendeak arropa, garbitzeko produktuak, jolasak... uzten jarraitzen dute Trintxerpeko Ziriza Etxean, Urtezaharreko sutean kaltetuak izan ziren bizilagunentzat. Horiek ere hurbildu dira beharrezkoak dituzten gauzen bila. Boluntarioek jendearen jarrera eskertu dute, baina gauzak erosi beharrean, kontu korrontean dirua sartzeko gomendatu dute: 3035 0010 8501 01 103875 (Laboral Kutxa).

Lehen momentutik larrialdi zerbitzuen gune bilakatu zen Txintxerpe barrutiko alkateordetza eta hiru egunean ordu gutxi eman ditu bertatik kanpora Amaia Agirregabiria Pasaiako alkateak. Nekatuta dago, haserre komunikabide batzuek kaltetuekin izan duten jarrerarekin, baina harro pasaitarrek eman duten erantzunarekin.

Egunotan Trintxerpeko sutea dela eta, ateratako argazkiekin osatutako galeria.


Jaurlaritzarekin ostatua ematea luzatzeko urratsak egiteko bilerak egingo dituela esan du, eta Jaurlaritzarekin lehenbailehen etxebizitza sozialak bideratzeko harremanak sendotuko dituela, "ahalik eta baldintza onuragarrienetan".

Igande honetan, hilak 5, Azkueneko garbitokian elkartasun ekimen berezia egingo dute 11:00etatik aurrera. Ekimen horretarako materiala biltzen hasiak dira dagoeneko Oarsoaldeko hainbat gunetan. Batez ere, sukaldeko materiala, mantak eta eskuoihalak uzteko eskatu dute.