
Pilotalekuko harmailak egurrez estaltzea. Hori baino ez da falta San Pedron, frontoiaren inguruko urbanizazio lanak behin betiko bukatzeko. Argazkian ikus daitekeenez, langileak horretan aritu ziren atzo, beraz, «astebetean gehienez», lanak erabat bukatuta izango direla eman du aditzera barrutiko alkateorde Edurne Baztarrikak. Pilotalekua eraberritua, edonola ere, erabilgarri dago herritarrentzat. Haurrentzako jolas parkea Proisa aurrean jarriko dute aurki, eta ondoren, Amura taberna parean geratuko den biltokian, eserlekuak, zuhaitzak eta beste hainbat altzari jarriko dituzte. Lanak hastean Torreatzera eraman zuten kioskoa, bestalde, bertan utziko dutela baieztatu du Baztarrikak. Plaza erdira eraman, finkatu eta kiosko barruan eserlekuak jarriko dituzte

Udalaren urratsen zain, ordenantza zibikoaren kontrako iritziak ugaritzen doaz. Ezker abertzaleak ere ez du uste ordenantza horren beharrik dagoenik. Zinegotzi independentisten arabera, Udal Gobernu Taldeak (PSE-EE, EAJ eta H1) “presaka eta korrika” ordenantza berria onartzea nahi duen arren, herriko kultur, kirol, eta auzo elkarteek ez dute inolako parte hartzerik izan. “Despotismo ilustratuaren garaian bezala, herriarentzat (isunak eta zigorrak), baina herririk gabe (erabakiak)”, adierazi dute. Gainera, herriko eragile sozialek behin baino gehiagotan egindako eskaerei “muzin” egin die Udal Gobernu taldeak ezker abertzalearen iritziz. Ildo horretatik, Udal Gobernuaren asmoetan “oso bestelako helburua” ikusten dute ezker abertzaleko zinegotziek: “Ordenantzaren arrazoiak irakurrita, oso latza iruditzen zaigu kalean egiten den edozein gauza gizalegetik kanpoko jokabideetan sartzea eta elkarbizitzari egindako erasotzat hartzea. Noiztik doa elkarbizitzaren aurka zerbait errebindikatzea?”. “Alarma” Haatik, Oreretan horrelako ordenantza eskatzen duen jokabiderik ez du uste dagoenik ezker abertzaleak: “Beraz, Udal Gobernuak halako alarma bat asmatu du bere benetako asmoa aurrera ateratzeko”. Ildo horretatik, Galtzarabordako bizilagunekin izandako ika-mika gogorarazi du ezker abertzaleak. “Ez dugu zalantzarik edozein errebindikazio sozial, laboral zein nazional kaletik kentzea lortu nahi dutela. Komunikabide gehienak kontrolatu ondoren, kalea kontrolatzea geratzen zaie”, iritzi diote. Horrez gain, Udal Gobernuko kideek kideek ordenantzaren bidez “zentsura soziala eta politikoa” ezarri nahi dutela adierazi dute. [...]

Espainiako Auzitegi Nazionaleko Fiskaltzak hamar urteko kartzela zigorra eskatu du Bateragune auzi-ko zortzi auzipetuentzat, tartean Sonia Jacinto herritarra. Batasunaren Mahai Nazionala berrosatu nahi izatea eta «nazio eraikuntzarako polo subiranista...

Irungo Udaleko Kultura arloak jakinarazi duenez, 2011ko Inauterietako desfilean parte hartu nahi duten konpartsek datorren urtarrilaren 8a arte eman dezakete izena, Herritarren Arretarako Zerbitzuan (HAZ). Izena emateko oinarriak HAZ bulegoan (Juan de ...

Frantzian zaldi gaineko denboraldian lehiaketa gehien irabazi dituen kirolaria da herriko Ioritz Mendizabalak. Hirugarren urtez lortu du titulu hori. Hala, dagoeneko 17.000 lehiaketetan parte hartu du herriko zaldikoak eta lehia guztiez gogoratzen dela...

Hondarribiko Udaleko web orriak 2010 urtean 298.390 bisita jaso ditu. 2009an, 140.376 bisita jaso zituen, beraz, azken hamabi hilabete hauetan bikoiztu egin dira webgunera egindako sarrerak. Egunean 800 erabiltzaile sartu dira web orrian bataz beste. S...

Iñaki Ezeizaren erakusketa jarri dute Garmendi txokolategian. Interesa dutenek, hilabete osoan izango dute aukera Ezeizaren lanez gozatzeko.

Antxetak, Behe Bidasoako euskarazko irrati libreak irrati maratoia antolatu du hilaren 8an. Hamar urte beteko dira aurten sortu zenetik, eta hain data borobila ospatze aldera ekitaldi sorta prestatu dute, haien artean heldu den larunbateko ate irekieta...

Aste honetan, Euskal Herriko Txapelketa jokatzen hasiko dira Oiarpeko pilotariak. Hala, bihar izango dute lehenengo partida, etxean. Biharkoa, Kadete Mailako banakako partida izango da. Madalensoron jokatuko dute, 19:00etatik aurrera. Oiarpe-Arrakoundiaga (Bizkaia) ariko dira elkarren kontra. Larunbatean (hilaren 8an), berriz, hainbat partida jokatuko dituzte Oiarpeko pilotariek. Horiek ere Madalensoro pilotalekuan izango dira, arratsaldeko lauretatik aurrera. Hasteko, bi partida jokatuko dituzte Oiarpeko pilotariek, kasu honetan Haur Mailakoak. Oiarpe 1-Oiarpe 4 eta Oiarpe 2-Oiarpe ariko dira nor baino nor. Ondoren, Kadete Mailako partida izango da, bikoteka. Horixe izango da Euskal Herriko Txapelketako bigarren jardunaldia. Aurrera Saiaz (Tolosa) taldearen kontra ariko dira Oiarpeko pilotariak. Azken partida, 22 urtez azpikoena izango da. Oiarpe-Pilotajauku (Altsasu) ariko dira elkarren kontra. Oiarpetik, herritarrei deia egin diete herriko pilotariak animatzera joateko. Aurreko partidetako emaitzak Bestalde, asteburuko emaitzen berri eman dute Oiarpe pilota elkartetik. Pasa den abenduaren 20tik hil honen 2ra (igandera arte), Bortziriak taldearen kontra lortutako emaitzak jakinarazi dituzte. Hala, kadeteetan, binaka, Oiarpek irabazi du partida: Oiarpeko Andoni Ugaldek eta Xabier Azpirozek 22-13 irabazi zieten Bortziriak taldeko Mitxelenari eta Olaizolari. Gazteetan, binaka hori ere, Oiarpeko Jokin Hernandezek eta Ander Imazek 22-14 gainditu zituzten Bortziriak taldeko Etxebertz eta Beola. Azkenik, seniorretan (binaka) Oiarpeko pilotariek ezin izan zituen nafarrak gainditu: Oiarpeko [...]

Mikelazulo Kulrur Elkartean Maribel Lopez Gil margolariaren akuarela erakusketa ikusteko aukera egongo da hilaren 9a bitarte. Alde batetik, egungo Errenteria-Orereta ikusteko aukera egongo da Lopezen akuareletan eta bestetik, 60 eta 70. hamarkadetako ...

Otsailean ere egingo dituzte; hondar organikoak etxean kudeatuko dituzte 40 familia gehiagok

Elurra eta eskiatzea gustuko duten gaztetxoak zorioneko dira, Urdaburu mendizale elkarteak (Gipuzkoako eskiko federazioarekin eta Aldundiaren laguntzarekin) beraientzako eski ikastaroa antolatu baitu hil honetarako. Hain zuzen, hilaren 29an eta 30ean i...

Aurtengo Itsasaldia, Euskal Itsasoen Jaialdia, Bilbon egingo da Itsas Gela eta Itsasplanet elkarteek Bilboko Itsasadarra Itsas Museoarekin egin duten elkarlan hitzarmenari esker. Hortaz, San Pedron egon ohi den Mater ontzi-museoak Bilbora bidaiatuko du...

Egungo euskal kantagintzan oinarritutako jazz emanaldia eskainiko dute Iñaki Salvador pianojoleak eta Ainara Ortega abeslariak, hilaren 23an, igandean, 19:30etan Kabigorri Bidasoaldeko Ateneoan. Kantaginjazz formatoan, euskal abeslarien lanak moldatuko dituzte, jazzistikoak bihurtuz. Iñaki Salvadorrek bere musika ibilbidean zehar euskal kantagintzako hainbat izen handien alboan lan egin du pianojole, soinujole eta moldatzaile gisa. Mikel Laboarekin 25 urtez izandako harremanaz gain, Salvadorren esku profesionala hainbat talde eta bakarlarik izan dute grabaketa edo kontzertuetarako, hala nola Oskorri, Mikel Markez, Mikel Urdangarin, Amaia Zubiria, Xabier Euzkitze, Imanol, Egan, Urko, Gorka Knörr, Txomin Artola eta Xabier Amuriza, beste batzuen artean. Bere ibilbide pertsonalean ere beti izan du lan ibilbide irekia beti ere euskal kantari adi egonik, bai tradizionalei eta baita egile kontenporaneoei ere. Proposamen berri honetan Ainara Ortegaren ahotsarekin batera egungo euskal kantagintzako zenbait abesti jazz kutsuan entzun daitezke, haien artean Mikel Laboarenak, Benito Lertxundi, Xaber Lete, Mikel Markez, Amaia Zubiria, Juan Carlos Pérez, edota Jabier Muguruzarenak.

Gaurko programazioa FM107an: 10:00etan, Arguyuan: 10:30ean: Oiartzungo Udalaren tartea. 11:30ean: Metaziyan bila atala. 12:10ean: Elkarrizketa: Xanet Arozena. Gaia: aurrekontuak 2011. 13:15ean: Kirolez Blai! Gonbidatuak: David Zurutuza Realko jokalaria...

Amaia Arriaran ipuin kontalariak Zai, Zoe, Bele kontakizuna aurkeztuko du gaur, urtarrilaren 19an, 17:30etik aurrera, Ikust Alaia udal liburutegian. 4 eta 7 urte bitarteko haurentzako egokia da.

Abaraxkako kideek eskulanak egingo dituzte: kometak, eskumuturrekoak, lepokoak… artile apaingarriak izango dira guztiak. 16:30etik 19:30era ariko dira eskulanak egiten.

Denetariko emaitzak izan ditu Oiarpek azkeneko bi asteburuetako partidetan. Euskal Herriko Txapelketan, 22 urtez azpikoetan, hona emaitzak: Ioritz Manterola eta Iñigo Ugalde (Oiarpe)-Abadiño: 19-22. Ibon Taberna eta Jon Irastorza (Oiarpe)-Pilotajauku...

Pasaiako Portu Agintaritzak 421 amarraleku egin nahi ditu udara baino lehen, trafikoa ordenatzeko asmotan. “Gure portua merkataritza portua da, eta beraz, lehentasuna merkantzia ontziek dute. Jendeak, batez ere adineko jendeak, ontziak nahi duten tokian uzten dituzte eta horri irtenbidea eman nahian hasi gara proiektuarekin”, azaldu du Miguel Buen Portu Agintaritzako presidenteak. Horrela, Hospitalilloko moilan 200 amarraleku egingo dituzte (dagoeneko hasi dira lanean), Donibanen 163, eta San Pedron 53. Donibaneko Santiago plazaren aurrean dauden amarraleku tradizionalak mantentzea erabaki du Portu Agintaritzak, Pasaiako Udalaren eskakizunari erantzunez. Hamabi eta hamabost ontzirentzako tokia egongo da bertan. Donibanen, bestalde, karenatzeko gunea egin nahi du, hau da, garbiketa eta konponketa lanak egiteko, besteak beste. Gune hori Donibaneko moilaren mendebaldean egin nahi dute, hain justu. 300 ontzi erroldatuta Badian 300 ontzi daude erroldatuta. Horientzako amarralekuak izango dira, eta gainontzeko 121ak eskatzen dituztenentzako izango dira, hurbiltasuna lehentasuna hartuz, beti ere. Dena den, amarralekuen lizitazioa obrak bukatzen direnean eta Estatuko Aldizkari Ofizialean argitaratzen denean aterako da. Proiektu horren beste helburuetako bat uretako ekintzak egiten dituztenei erraztasunak jartzea dela nabarmendu du Buenek: “Pasaia Kayak, Trintxerpe-Illunbe, San Juan eta Hibaika taldeentzat errazagoa izango da urera iristea”. Obrak ia lau milioi euroko kostua du. 3.300.000 euro amarralekuak egiteko erabiliko dute, eta 711.000 [...]

Iraupen eski ikastaroa antolatu du Haurtzaro Mendi Taldeak larunbaterako. Pirinioetara joango dira, Somportera. Izena emateko ikastolako idazkaritzatik pasatu behar da.