Lurrunezko taupadak iraganera bidaiatzeko
‘Jaizkibel’ draga berriztatzeko lanak aurrera doaz eta egun hauetan prozesu horri lotutako operazio ikusgarriak gauzatzen ari dira; atzo hamalau tonako lurrunezko motorra jatorrizko kokapenera itzuli zuten. Jaizkibel dragaren berritze lanak azken txanpan dira, eta atzo, prozesu horren barruko pauso ikusgarria gauzatu zuten. Aldundiak urtetan gordeta izan duen dragaren motorra bere jatorrizko tokira itzuli zuten, maniobra ikusgarrian. Pieza oso berezia da atzo 200 tonako garabiaren laguntzaz kokatu zutena. Draga beraren antzera, Bilboko Euskalduna ontzioletan eraikia da XX. mendearen hasieran. Lurrunezko motorra izateak balio erantsia ematen dio, batez ere, halako oso gutxi kontserbatzen direlako. Motorrak zazpi metroko altuera du eta hamalau tonako pisua. Badiaren ikur Dragaren berritze lanen bigarren fasea hilabeteko epean bukatuko dute. Portu Agintaritzako azpiegituretako buru David Candelariok zehaztu duenez, ordurako dragaren elementu garrantzitsuenak berriztatu eta kokatuko dituzte. Ondoren, bisitariek, orain dela gutxira arte –1990 urteaz geroztik dago lehorrean ontzia – portua dragatzeko erabiltzen zuten sistema bertatik bertara ikusteko aukera izango dute. Portu Agintaritza, Eusko Jaurlaritza eta Aldundia ari dira elkarlanean draga eraberritzen. Guztira 650.000 euro inbertitu dituzte 1992an monumentu izendatutako Jaizkibel Dragak jatorrekizko disdira berrreskuratu dezan. Portu Agintaritzako buru Lucio Hernandok poztasuna agertu zuen atzo, badiaren «ikur» bat berreskuratu dutelako. Itsasoratuko ez duten arren, draga funtzionamenduan jarriko dutela iragarri [...]
Dragaen motorra
‘Jaizkibel’ draga berriztatzeko lanak aurrera doaz eta egun hauetan prozesu horri lotutako operazio ikusgarriak gauzatzen ari dira; atzo hamalau tonako lurrunezko motorra jatorrizko kokapenera itzuli zuten.
Jaizkibel dragaren berritze lanak azken txanpan dira, eta atzo, prozesu horren barruko pauso ikusgarria gauzatu zuten. Aldundiak urtetan gordeta izan duen dragaren motorra bere jatorrizko tokira itzuli zuten, maniobra ikusgarrian.
Pieza oso berezia da atzo 200 tonako garabiaren laguntzaz kokatu zutena. Draga beraren antzera, Bilboko Euskalduna ontzioletan eraikia da XX. mendearen hasieran. Lurrunezko motorra izateak balio erantsia ematen dio, batez ere, halako oso gutxi kontserbatzen direlako. Motorrak zazpi metroko altuera du eta hamalau tonako pisua.
Badiaren ikur
Dragaren berritze lanen bigarren fasea hilabeteko epean bukatuko dute. Portu Agintaritzako azpiegituretako buru David Candelariok zehaztu duenez, ordurako dragaren elementu garrantzitsuenak berriztatu eta kokatuko dituzte. Ondoren, bisitariek, orain dela gutxira arte –1990 urteaz geroztik dago lehorrean ontzia – portua dragatzeko erabiltzen zuten sistema bertatik bertara ikusteko aukera izango dute.
Portu Agintaritza, Eusko Jaurlaritza eta Aldundia ari dira elkarlanean draga eraberritzen. Guztira 650.000 euro inbertitu dituzte 1992an monumentu izendatutako Jaizkibel Dragak jatorrekizko disdira berrreskuratu dezan.
Portu Agintaritzako buru Lucio Hernandok poztasuna agertu zuen atzo, badiaren «ikur» bat berreskuratu dutelako. Itsasoratuko ez duten arren, draga funtzionamenduan jarriko dutela iragarri zuen. Hernandok Albaolak kudeatzen duen Itsas Interpretazio Zentroaren aktibo gisa irudikatzen du draga etorkizuenan.
