Don Boscoren 50. urteurrena dela eta, omenaldia
Don Bosco GLHBI institutuak 50 urte bete ditu, eta egun handi hori behar den bezala ospatzeko Don Boscoko Lanbide Zentroarekin lotutako pertsonak omenduko ditu: salesiarrak, irakasleak, ikasleak, administrazioko jendea eta zerbitzuetako jendea. Egun os...
Don Bosco GLHBI institutuak 50 urte bete ditu, eta egun handi hori behar den bezala ospatzeko Don Boscoko Lanbide Zentroarekin lotutako pertsonak omenduko ditu: salesiarrak, irakasleak, ikasleak, administrazioko jendea eta zerbitzuetako jendea. Egun osorako egitaraua prestatu dute: meza, musika, bideo proiekzioa… denetarik izango da.
Euskoskillei ere egingo diete tartea. Arabako, Bizkaiko eta Gipuzkoako Lanbide Heziketa zentroetako ikasle batzuen arteko lehiaketa da, eta horiek baloratuko ditu epaimahai batek. Hainbat zentroetan egin dituzte gai bati dagokion lehiaketa, eta Don Boscon Euskadiko Automozio Teknikorik onena erabakiko dute. Lanbide Heziketa zentroen arteko olinpiadak 08:30ean hasiko dira 19:00ak bitartean.
Horrez gain, automobil zaharren erakusketa ere ikusteko aukera izango da Don Boscon (17:30etik aurrera). Arratsaldean lehiarako automobilen txanda izango da eta Txus Jaiok, Angelar Vilariñok, Fran Cobok, Patxi Hoyosek eta Javier Murrek eta Izagirrek hartuko dute parte.
Egitaraua
10:00: Harrera.
10:30: Meza kantu gregoriarrarekin.
11:30: 50. urteurreneko bideoa.
12:00: Hamaiketakoa.
12:30: Ekitaldi zibikoa monolitoaren aurrean.
13:00: Donosti Ereskiren kontzertua.
14:00: Bazkaria Lezoko Etxeberri jatetxean.
