Zaharren bazkaria ekainaren 24an izango da Ficoban
San Pedro eta San Martzial jaien aurretik Udaleko Kultura arloak antolatzen duen zaharrentzako omenaldi bazkaria ekainaren 24ean izango da, 14:00etan, Ficoba erakustazokako 3. Pabilioian. Egun horretarako 65 urte beteak eduki eta Irunen eroldatuta egon...
San Pedro eta San Martzial jaien aurretik Udaleko Kultura arloak antolatzen duen zaharrentzako omenaldi bazkaria ekainaren 24ean izango da, 14:00etan, Ficoba erakustazokako 3. Pabilioian. Egun horretarako 65 urte beteak eduki eta Irunen eroldatuta egon, bi baldintza horiek bete behar dira bazkarira joateko. Gehienez 700 lagunentzako lekua dago.
Udaletik jakinarazi dute tren berdea egongo dela Ficobara joateko, 12:30etik 13:40era. San Juan plazatik abiatuko da. Itzulerakoak 17:00etan hasiko dira, eta 19:00etan izango da azkena. Joateko interesa dutenek 010 telefonoaren bitartez eman behar dute izena:
- Iaz gonbidapena jaso gabe geratu zirenek maiatzaren 31n eta ekainaren 1ean, 08:00etatik 20:00etara.
- Iaz gonbidapena jaso zutenek, ekainaren 2an eta 3an, ordutegi berean.
Gonbidapenak Amaia Kultur Zentroko lehiatilan jaso ahalko dira ekainaren 8an eta 9an, 10:00etatik 13:00etara. Nortasun Agiria eraman beharko da txartelak jaso ahal izateko.
BAZKARIKO MENUA
- Hasierako hotza: Urdaiazpiko ondua.
- Hasierako beroa: Pikillo piperra haragiz betea eta piper gozoaren saltsarekin.
- Lehen platera: Ilar txikien krema, esne-gain tantatxoekin.
- Bigarren platera: Urdaiazpiko egosia oporto eta panadera-patatekin.
- Postrea: Ostorezko tarta txokolate-saltsa beroarekin.
