Faja de las flores jarri du uztailerako helburu Giriziak
Ordesara (Huesca, Espainia) joango dira Giriziako mendizaleak uztailean. Faja de las flores ibilbidea dute helburu. Mendia bera igotzeko —2.400 metro ditu— asteburu pasa antolatu dute Giriziako kideek. Utzailaren 16an irtengo dira herritik. 15:00et...
Ordesara (Huesca, Espainia) joango dira Giriziako mendizaleak uztailean. Faja de las flores ibilbidea dute helburu. Mendia bera igotzeko —2.400 metro ditu— asteburu pasa antolatu dute Giriziako kideek.
Utzailaren 16an irtengo dira herritik. 15:00etan aterako dira Haurtzaro Ikastolako aparkalekutik. Hortik, zuzenean Ordesako Torla herrira joango dira eta han hartuko dute aterpe (gehienez 30 lagunentzako tokia dago han).
Igandean, goizean ekingo diote Faja de las flores mendia igotzeari. Antolatzaileek aurreikusi dutenez, zazpi-zortzi orduko ibilaldia izango da. Mendiak 2.400 metro ditu eta garaiera aldaketa edo desnibela 1.100 metrokoa da.
Garmendin eta Amazkarren
Ohiko tokietan dago izena emateko aukera: Amazkar tabernan eta Garmendi Txokolategian.
Bi aukera daude. Bidaia, aterpea, gosaria eta Ordesara joateko autobusa batzen dituen txartelak 55 euro balio du. Norbaitek larunbat horretarako afaria ere aterpean egin nahiko balu, 14 euro gehiago ordaindu beharko lituzke (69 euro, alegia).
