Etzi azken eguna madalenetan udaltzain izateko
Urtero bezala Errenteriako Udalak udaltzain laguntzaileak kontratatuko ditu Madalen Jaietan lan taldea sendotzeko. Hala, apuntatzeko asmoa daukatenek azkar ibili beharko dute, etzi izango baitute izena emateko azken eguna. Horretarako, eskaera orria ud...
Urtero bezala Errenteriako Udalak udaltzain laguntzaileak kontratatuko ditu Madalen Jaietan lan taldea sendotzeko. Hala, apuntatzeko asmoa daukatenek azkar ibili beharko dute, etzi izango baitute izena emateko azken eguna.
Horretarako, eskaera orria udaletxeko erregistroan aurkeztu beharko da NANaren eta lan eskaerako txartelaren fotokopiekin batera. Eskaera orriak udalaren webgunean lor daitezke.
Izena eman duten guztien artean zozketa egingo dute ondoren. Hain zuzen, hilaren 11n izango da, eta aukeratutakoen izen abizenak udalaren webgunean argitaratuko dituzte.
Baldintzak
Udaltzain laguntzaile izateko baldintza batzuk bete beharko dituzte hautagaiek. Horretarako, 18 urte beteak eduki beharko dituzte eta langabezian egon beharko dute. Horrez gain, euskaraz elkarrizketa bat egiteko gai izan beharko dute, eta Euskara departamentuan elkarrizketa bat izatera deituko dituzte. Hautagaiak ere ezin izango du disziplina espedienterik irekita eduki erakundeetan, eta ezingo du egon herri eginkizunetan aritzeko gaitasunik gabe. Horrekin batera, ezin izango du legezko bateraezintasunik eduki.
Errenteria-Oreretan gutxienez hiru hilabete erroldatuta daramatenek lehentasuna izango dute; hilaren 11 hartuko da erreferentziatzat.
