Haur jaioberriak euskaraz erregistratu daitezke jada
Oiartzunen ere jaiotzak euskaraz erregistratzea lortu du Udalak. Duela bi aste ingurutik egin daitezke jaiotza, ezkontza eta heriotza erregistroak euskaraz. Euskaraz erregistratu diren lehenengo bi haurrak Leire Fernandez Pascual eta Oinatz Eraunzetamurgil Lertxundi izan dira. Legez 2005az geroztik erregistroak euskaraz egin zitezkeen, urte hartan Erregistro Zibileko Legea aldatu baitzuten. Erregistro guztiak hizkuntza ofizialetan egiteko aukera barneratu bazuen ere, errealitatea oso bestelakoa izan da Oiartzunen eta Gipuzkoa, Araba eta Bizkaiko 230tik gora herri gehiagotan denbora honetan guztian. Fernandez eta Eraunzetamurgil lehendabiziko haurrak izan dira, baina atzetik haur oiartzuar gehiago erregistratuko dituzte euskaraz. Hona heltzeko, ezinbestekoa izan da Udalak eta UEMA Udalerri Euskaldunen Mankomunitateak azken urteetan legea egi bihurtzeko egin duten lana: “Mozioak onartu, Justizia Sailarekin harremanetan jarri, eskaera ofizialak egin… eta baita zenbait gurasok egindako eskaerak ere”. Horietako askok ez dute lortu euren seme-alabak euskaraz erregistratzea, baina hurrengoentzako bidea irekitzeko ezinbestekoa izan da euren lana. Hauei ere eskerrak eman dizkiete Udaletik: “Euskararen normalizaziorako bidean ezinbestekoa baita herritarrak aktiboak izatea”. Oiartzungo Udaletik, Oiartzungo guraso-gaiei euren seme-alaben jaiotzak euskaraz erregistratzeko deia egin diete: 2Euskaraz jaiotzako momentutik bertatik aritzeko eskubidea bai baitaukagu. Bake Epaitegian jaioberriak euskaraz erregistratu nahi dituztela adierazi besterik ez dute egin behar gurasoek”. Gainera, jaiotzak euskaraz erregistratzen badira ere, gero ziurtagiriak [...]
Oiartzunen ere jaiotzak euskaraz erregistratzea lortu du Udalak. Duela bi aste ingurutik egin daitezke jaiotza, ezkontza eta heriotza erregistroak euskaraz. Euskaraz erregistratu diren lehenengo bi haurrak Leire Fernandez Pascual eta Oinatz Eraunzetamurgil Lertxundi izan dira.
Argazkian, Oinatz eta Leire ageri dira, euskaraz erregistratu diren lehenengo haur oiartzuarrak euren gurasoekin, Irati Etxebeste Euskara zinegotziarekin eta Aitziber Arnaiz Euskara teknikariarekin
Legez 2005az geroztik erregistroak euskaraz egin zitezkeen, urte hartan Erregistro Zibileko Legea aldatu baitzuten. Erregistro guztiak hizkuntza ofizialetan egiteko aukera barneratu bazuen ere, errealitatea oso bestelakoa izan da Oiartzunen eta Gipuzkoa, Araba eta Bizkaiko 230tik gora herri gehiagotan denbora honetan guztian.
Fernandez eta Eraunzetamurgil lehendabiziko haurrak izan dira, baina atzetik haur oiartzuar gehiago erregistratuko dituzte euskaraz.
Hona heltzeko, ezinbestekoa izan da Udalak eta UEMA Udalerri Euskaldunen Mankomunitateak azken urteetan legea egi bihurtzeko egin duten lana: “Mozioak onartu, Justizia Sailarekin harremanetan jarri, eskaera ofizialak egin… eta baita zenbait gurasok egindako eskaerak ere”.
Horietako askok ez dute lortu euren seme-alabak euskaraz erregistratzea, baina hurrengoentzako bidea irekitzeko ezinbestekoa izan da euren lana. Hauei ere eskerrak eman dizkiete Udaletik: “Euskararen normalizaziorako bidean ezinbestekoa baita herritarrak aktiboak izatea”.
Oiartzungo Udaletik, Oiartzungo guraso-gaiei euren seme-alaben jaiotzak euskaraz erregistratzeko deia egin diete: 2Euskaraz jaiotzako momentutik bertatik aritzeko eskubidea bai baitaukagu. Bake Epaitegian jaioberriak euskaraz erregistratu nahi dituztela adierazi besterik ez dute egin behar gurasoek”.
Gainera, jaiotzak euskaraz erregistratzen badira ere, gero ziurtagiriak euskaraz zein gaztelaniaz eskuratzeko aukera ematen du programa informatikoak.
