Zuri-gorriz koloreztatuko dituzte jaiak antxotarrek, bihartik igandera bitartean
Antxoko sanferminak 2011
Bost egun jaietan murgiltzeko, eta horietatik bat ere ez ez dute alferrik galtzen utziko antxotarrek. Gazte nahiz heldu, denek dute jaiak hasi aurreko kirioen dantza. Zapi gorriak prest, bihar 20:00etan lotuko dituzte lepora, txupinazoan. Igandera bitartean blusak, koadrilak, nahiz konpartsak, denek izango dute zertan parte hartu eta non gozatu.
Aurten jaien hasiera San Fermin Egunaren bezperarekin egokitu da, eta horrek are erakargarriagoa egin du lehen gaua, antxotar askok jaia dutelako etzi. Egitarauan, behintzat, zer aukeratu izango dute. Koadrilen afariak eta gero, gaua girotzeko Gaztetxean Matik 95, Egurra eta kitto eta street Bastards taldeen kontzertua dago eta Azokan 3gabe2 taldearekin dantzaldia.
Txikienek, berriz, Axularren dute hitzordua, goizago, noski, Modestorekin.
Etzi, egun handia
Bihar, San Fermin Eguna, goizean goiztik piztuko da festa. Goiztiarrenek eta gau txoriek, denak elkartuko dira dianan, bigantxetara bidean.
Eguerdian, uztailak zazpi dituen guztietan gertatzen den antzera Saltseroek girotuko dituzte kaleak. Aurten Urko Kortajarena arraunlaria izango da Saltsero Nagusia. Eguna emango dute dantzan eta kantari saltseroek. Eguerdian lehenbizikoz, eta arratsean bigarrengoz, bazkal oste luzearen ondoren.
Eguerdiak jotak abestuko dituzte Axular Plazan, eta haurrek aginte makila eskuratuko dute. Julen Uribarrenak eta Irune Doce Cabanillasek jasoko dute auren aginte makila.
Herri kirolaksanferminetako jai egitaraua
San Fermin Egunean irteten da haurren danborrada
Arratsaldean, aldiz, San Fermin Eguneko beste klasikoak ez dira faltako: haurren danborrada batetik, eta Basarik antolatutako herri kirolak bestetik. Arrospide -Muguerza, Saralegi -Olasagasti aizkolarien arteko desafioa ikusteko aukera izango da zumardian. Horrez gain, Ostolaza Izeta II eta Landarbide harrijasotzaileak izango dira, bordaxahar harria altxatzen. Azkenik, Idoia Etxebestek harri zilindrikoa eta esferikoa altxatuko ditu.
