Iraileko lehen asteburua Altamirako jaien txanda izaten da. Santakrutzak baino lehen, baina herriko jai nagusiekin bat egingo dute auzoko festek. Asteburu osoan egingo dituzte ekitaldiak, adin eta gustu guztietarako prestatuak. Etzi arratsaldean, 19:00etan, botako dute txupina. Auzoko kaleetan ibiliko dira Zabarre eta Oroitzene erraldoiak eta Eneko, Joannes, Kaxkagogor eta Belarrimotz buruhandiak. Lehenago, baina, haurrek ur eta apar festan jolasteko aukera izango dute. Hiru egunetan zehar txapelketetan aritzeko aukera izango dute altamirarrek (eta kanpokoek), baita ohiko zozketetan parte hartzeko aukera ere. Haurren eta helduen (etzi azken horiek; igandean gazteenek) danborradarik ez da faltako Altamirako kaleetan. Aurten, kontzertuak antolatu dituzte. Horrela, bihar rock kontzertua egingo dute Altzate igerilekuetako aparkalekuan. Etzi, berriz, ska doinuen txanda izango da. Auzoko jaiaetako ekitaldi gehienak asteburuan izango diren arren, hilaren 13an santakrutzen lehenengo gaueko danborradan ere hartuko du parte Altzatek. Egitaraua Etzi 16:30ean. Ur eta apar jaia, frontoian. 19:00etan. Txupinazoa, erraldoi, buruhandi eta txistulariekin. 20:00etan. Sardina jatea. 21:00etan. Auzoko gaztetxoentzako afaria eta zinema. 22:00etan. XXVII. Tute Txapelketa, auzo elkartean. 23:30ean. Rock kontzertuak igerilekuetan. Etzidamu 10:00etan. Diana, txistulariekin. 11:00etan. Pala torneoa. 11:00etatik 13:30era. Ur jokoak, igerilekuan. 12:00etan. XXVII. Toka Txapelketa, auzo elkartean. 14:30ean. Itsaski janaren zozketa. 16:30ean. V. Truk Txapelketa. 16:30etik 19:00etara. Ur jokoak, igerilekuan. 17:00etan. Zezentxo eta [...]
Xorrola herri barruko autobus zerbitzua berriz ere martxan hasiko da bihar. Xanistebanetan zerbitzu berezia eskaini ondoren, etenaldia egin du zerbitzuak, eta ohiko ordutegiarekin eta geltokiekin itzuliko da. Etxebizitza Bulegoa eta Gazte Informazio Bu...
Makutxo tabernan Malen Agirreren erakusketa jarriko dute bihartik. Lanak ikusteko, tabernaren ordutegian pasatu behar da bertatik.
Manuel Irigoienen Txoriak txori erakusketa jarriko dute bihartik aurrera Garmendi txokolategian. Hilaren bukaera arte ikusi ahal izango da, txokolategiaren ordutegian.
Konpainiek entseguak hasi dituzte irailaren 8ko Alardea prestatzeko eta konpainia gehienek entsegua egingo dute larunbatean, igandean eta astelehenean Hondarribiko kaleetan zehar. Entseguak direla eta, Foru kaleko eta San Kristobaleko biribilguneko t...
Udaletik ohartarazi dutenez, adineko hainbat bizilagunek euren burua udal langiletzat aurkeztu duten zenbait lagunen bisita jaso dute etxean azken asteotan. Iruzurgileek beren eguneroko ohituren gainean galdetu diete adinekoei, eta ondoren hainbat lapu...
Comete sarearen XII. ibilaldia antolatu du Urdaburu elkarteak
Lehengo abuztuaren 22an ekin zioten San Pedron lonja zaharra botatzeari. Hiru hilabete iraungo dute eraikin zaharra botatzeko lanek, eta bien bitartean arrandegiko jarduera horretarako propio atondu duten Pasaia eraikinean egiten dihardute. 18 hilabetez arituko dira bertan lanean arrandegiko langileak zein Gipuzkoa osotik arraina erostera bertaratzen direnek. Arrandegi zaharraren bigarren eraikinaren zati bat ere zutik mantenduko dute, jarduera ahalbidetzeko asmoz. Guztira, hiru urte Lonja berria eraikitzeko lanak faseka egingo dituzte. Hiru urte iraungo dute, eta bukaera 2014ko lehen lauhilabeterako aurreikusi dute. 16 hilabete beharko dituzte orain eraisten ari diren orubean eraikin berria altxatzeko. Jarduera bertara lekualdatuta lanen bigarren faseari ekingo diote. Orduan hasiko dira arrandegiko eraikin nagusia izango denarekin lanean, eta baita ingurua urbanizatzeko lanekin. Portu Agintaritzak esan duenez, «San Pedrok 2,5 hektarea izango dituen parkea» irabaziko du. Arrandegiko lanek aparkalekuan eragin dituen zailtasunak arintzeko asmoz, udalak Arraunlari kaleko trafikoa berrantolatu du, bertako aparkalekuak bertakoentzat gordez. Hala, inguruko kaleetan bizi direnek autoa bertan aparkatzeko baimena eskuratu behar izan dute (baimen bat etxebizitza bakoitzeko).
Lartaun Abesbatzatik gogorarazi dutenez, aurten mendeurren garrantzitsua ospatzen ari dira: Yon Oñatibia jaio zela ehun urte betetzen dira. Oñatibia abesbatzaren sortzailea izan zen. Mendeurrena ospatzeko, eta esker on eta omenaldi gisa, Lartaun Abes...
Herrizaingo Sailak Jaizkibel konpainiari bidali dien azken ebazpenean, entseguetan San Pedro kaletik igarotzea eragozten diete, eta desfile egunean Harresilanda kaletik pasatzea. Jaizkibel konpainiak helegitea jarri du erabakiaren kontra, eta erantzuna...
Irailean Mari Carmen Cousillasen lore lehorren koadroez gozatu ahal izango da Petra Lekuonan, honako ordutegian: 09:30-13:00 eta 16:00-20:00.
Azken asteotan Touringek antolatutako Errenteria Hiria Txapelketa jokatzen aritu dira, eta pasa den asteburuan jokatu zuten finala. Pasaia eta Touring izan ziren aurrez aurre, eta bana berdindu bazuten ere pasaitarrentzat izan zen txapelketa. Touring j...
Munduko arrain zoparik onena Hondarribiko Arrantzaleen Hermandadean egiten dutela azaldu dute All Nippon Airways japoniar airelinearen aldizkariko azken alean argitaratutako artikuluan. Japoniar kazetariek gastronomi bidaia egin zuten eta Hondarribiko ...
Estatu Batuetatik heldu dira eta Mogambon dute hurrengo jomuga. Caleb eta Ashton Bird anaiek kontzertua eskainiko dute bihar, 21:00etatik aurrera. Sarrerak 10 euro balio du eta aurrez eros daiteke, redribbonmusic.comwebgunean. Tweak Bird taldeaz gain, Yemen-Ra taldekoek joko dute Mogambon.
Udararo egin ohi duten antzera, aurten ere, euskal dantzak munduan zehar ezagutzera ematen aritu dira Alkartasuna Dantza Taldeko kideak. Sardinian izan dira aurten, eta bertako, nahiz Costa Ricako eta Bosniako talde banarekin aritu dira dantza emanaldiak aurkezten. Beste hainbat herrietako dantzak ere ezagutu dituzte. Besteak beste, Portugal,Kroazia, Errumania, Lituania… 150 lagunentzako bazkaria ere eskaini zuten, euskal jaki tradizionalekin
«Zuzeneko eta hurbileko harremanak» bultzatu asmoz, herritarrak bertaratzera animatu ditu Agirregabiria alkateak. Alkateorde berriek herritarrak hartzeari ekingo diote. Aipatu hitzorduetan herritarren kezkak eta ekarpenak jasoko dituzte eta, bide bat...
Hamarnaka herritarrek elkarretaratzea egin zuten atzo arratsaldean Sophie Loudetteren hilketa salatzeko. Loudette Baionako bizilaguna zen eta Santespiritu auzoko haren etxean aurkitu zuten hilik joan den ostiralean. Bikotekidea ere hilik aurkitu zuten leku berean. Lehen ikerketen arabera, gizonak emaztea hil ondoren bere buruaz beste egin zuela uste du poliziak. Hildako Baionako emakumearekin, gutxienez bost dira jada aurten indarkeria matxistak hildako emakumeak.
Martxan da Ereintza elkarteak antolatutako Errenteria Hiria Ipuin Lehiaketa. Eta lanen bat entregatzeko asmoa dutenek hilaren 16a izango dute azken eguna horretarako. Lehiaketara euskarazko zein gaztelaniazko lanak aurkez daitezke, eta parte hartzaile bakoitzak ipuin bat baino gehiago entregatzeko aukera izango du. Epaimahaiak abenduaren 17an emango du erabakiaren berri, eta orduan jakingo da nortzuk diren irabazleak. Idazle gaituek osatuko dute. Euskaraz idatzitako ipuinei dagokionez, lehenengo saria 1.200 eurokoa izango da. Beste sari bat ere izango da 25 urtetik beherako ipuin onenaren egilearentzat: 420 euro. Herriko ipuin onenari, berriz, Joxan Arbelaiz Saria emango diote, 210 eurokoa. Gaztelaniazko atalean, berriz, bi sari izango dira: lehenengo saria 1.200 eurokoa, eta herriko ipuin onenaren Joxan Arbelaiz Saria, 210 eurokoa. Oinarriak Idazlanak ezingo ditu hiru folio baino gutxiago izan, ezta zortzi baino gehiago ere, eta espazio bikoitzean idatzita egon beharko du. Ipuinak aurretik argitaratu gabeak izan beharko dute, eta beste lehiaketaren batean saritu gabeak. Lanak bidaltzeko bi modu izango dituzte partaideek. Posta arruntez behar bezala jositako hiru ale bidali beharko dira honako helbidera: Ereintza Kirol eta Kultur Elkartea 301 posta kutxatila, 20100 Errenteria-Orereta. Ipuinak ezizena erabiliz bidali beharko ditu egileak gutunazal itxi batean. Barruan, ezizena duen beste gutunazal batean sartuta izen-abizenak, helbidea, posta elektronikoa eta telefonoa [...]
Maria Garaiar sindikalista izan zenaren omenez, Elizalde auzoan sortuko den plaza berriak bere izena eramango du. Udal Ikastola Partzuergoaren egoitza berria eraikitzeko lanen ondorioz sortuko den eremuan egongo da plaza. Maria Josefa Garaiar Ugaldetxo...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
