Altamirako festekin hasiko da hilabete honetan Lezon nagusituko den jai giroa
Iraileko lehen asteburua Altamirako jaien txanda izaten da. Santakrutzak baino lehen, baina herriko jai nagusiekin bat egingo dute auzoko festek. Asteburu osoan egingo dituzte ekitaldiak, adin eta gustu guztietarako prestatuak. Etzi arratsaldean, 19:00etan, botako dute txupina. Auzoko kaleetan ibiliko dira Zabarre eta Oroitzene erraldoiak eta Eneko, Joannes, Kaxkagogor eta Belarrimotz buruhandiak. Lehenago, baina, haurrek ur eta apar festan jolasteko aukera izango dute. Hiru egunetan zehar txapelketetan aritzeko aukera izango dute altamirarrek (eta kanpokoek), baita ohiko zozketetan parte hartzeko aukera ere. Haurren eta helduen (etzi azken horiek; igandean gazteenek) danborradarik ez da faltako Altamirako kaleetan. Aurten, kontzertuak antolatu dituzte. Horrela, bihar rock kontzertua egingo dute Altzate igerilekuetako aparkalekuan. Etzi, berriz, ska doinuen txanda izango da. Auzoko jaiaetako ekitaldi gehienak asteburuan izango diren arren, hilaren 13an santakrutzen lehenengo gaueko danborradan ere hartuko du parte Altzatek. Egitaraua Etzi 16:30ean. Ur eta apar jaia, frontoian. 19:00etan. Txupinazoa, erraldoi, buruhandi eta txistulariekin. 20:00etan. Sardina jatea. 21:00etan. Auzoko gaztetxoentzako afaria eta zinema. 22:00etan. XXVII. Tute Txapelketa, auzo elkartean. 23:30ean. Rock kontzertuak igerilekuetan. Etzidamu 10:00etan. Diana, txistulariekin. 11:00etan. Pala torneoa. 11:00etatik 13:30era. Ur jokoak, igerilekuan. 12:00etan. XXVII. Toka Txapelketa, auzo elkartean. 14:30ean. Itsaski janaren zozketa. 16:30ean. V. Truk Txapelketa. 16:30etik 19:00etara. Ur jokoak, igerilekuan. 17:00etan. Zezentxo eta [...]
Iraileko lehen asteburua Altamirako jaien txanda izaten da. Santakrutzak baino lehen, baina herriko jai nagusiekin bat egingo dute auzoko festek. Asteburu osoan egingo dituzte ekitaldiak, adin eta gustu guztietarako prestatuak.
Etzi arratsaldean, 19:00etan, botako dute txupina. Auzoko kaleetan ibiliko dira Zabarre eta Oroitzene erraldoiak eta Eneko, Joannes, Kaxkagogor eta Belarrimotz buruhandiak. Lehenago, baina, haurrek ur eta apar festan jolasteko aukera izango dute.
Hiru egunetan zehar txapelketetan aritzeko aukera izango dute altamirarrek (eta kanpokoek), baita ohiko zozketetan parte hartzeko aukera ere. Haurren eta helduen (etzi azken horiek; igandean gazteenek) danborradarik ez da faltako Altamirako kaleetan.
Aurten, kontzertuak antolatu dituzte. Horrela, bihar rock kontzertua egingo dute Altzate igerilekuetako aparkalekuan. Etzi, berriz, ska doinuen txanda izango da.
Auzoko jaiaetako ekitaldi gehienak asteburuan izango diren arren, hilaren 13an santakrutzen lehenengo gaueko danborradan ere hartuko du parte Altzatek.
Egitaraua
Etzi
- 16:30ean. Ur eta apar jaia, frontoian.
- 19:00etan. Txupinazoa, erraldoi, buruhandi eta txistulariekin.
- 20:00etan. Sardina jatea.
- 21:00etan. Auzoko gaztetxoentzako afaria eta zinema.
- 22:00etan. XXVII. Tute Txapelketa, auzo elkartean.
- 23:30ean. Rock kontzertuak igerilekuetan.
Etzidamu
- 10:00etan. Diana, txistulariekin.
- 11:00etan. Pala torneoa.
- 11:00etatik 13:30era. Ur jokoak, igerilekuan.
- 12:00etan. XXVII. Toka Txapelketa, auzo elkartean.
- 14:30ean. Itsaski janaren zozketa.
- 16:30ean. V. Truk Txapelketa.
- 16:30etik 19:00etara. Ur jokoak, igerilekuan.
- 17:00etan. Zezentxo eta pottokak anfiteatroan, trikitilariekin.
- 21:00etan. Afaria, Karmen jatetxean, danborradan parte hartuko dutenentzako.
- 23:00etan. Danborrada, Karmen jatetxetik abiatuta.
- 00:00etan. Zezensuzkoa.
- 00:15ean. Ska kontzertuak, igerilekuan. Gero, gaupasa auzo elkartean.
Igandean
- 11:00etan. Diana.
- 11:00etatik 13:30era. Ur jokoak, igerilekuan.
- 12:30ean. Haurren danborrada.
- 14:30ean. Bigarren itsaski janaren zozketa.
- 14:30ean. Herri bazkaria, auzo elkartean.
- 16:30etik 19:00etara. Ur jokoak, igerilekuan.
- 16:30ean. XXVIII. Mus Txapelketa auzo elkartean.
- 17:00etan. Haur jolasak, frontoian.
- 19:00etan. Txokolate jatea auzo elkartean.
- 20:30ean. Jai bukaerako txupinazoa.
Hilaren 13an
- 20:30ean. Altzateko helduen danborradako afaria.
- 22:30ean. Danborradaren irteera herriko plazara.
- 00:00etan. Altzate, Tiñelu, Ixkulin eta Allerru elkarteekin danborrada.
