Oarso Bidasoko odol emaileek euren eguna ospatuko dute igandean
Oarso Bidasoko odol emaileek euren eguna ospatuko dute Hondarribian igandean. Egun osoko festa egingo dute horretarako, eta besteak beste, meza, omenaldia eta bazkaria izango dira.
11:00etan mezan bilduko dira odol emaileak, Portuko elizan. Ondoren, 12:00etatik aurrera, euren bizitzan odol gehien eman dutenei gorazarre egingo diete, eta emakumeei nahiz gizonei plakak, diplomak eta bestelako oroigarriak emango dizkiete. Asanblada ere egingo dute. Itsas Etxeko auditorio berrian egingo dituzte ekitaldi horiek: 25, 40, 60 eta 75 alditan odola eman duten emaileek jasoko dute saria.
Bazkaria, Ardoran
Sariak eman ondoren, 14:30ean, bazkaria egingo dute Ardora jatetxean. Bazkaldu eta gero dantzaldiaz gozatzeko aukera izango dute odol emaileek.
Bazkaria, Ardoran
Sariak eman ondoren, 14:30ean, bazkaria egingo dute Ardora jatetxean. Bazkaldu eta gero dantzaldiaz gozatzeko aukera izango dute odol emaileek.
