Magostoa ospatuko dute galiziarrek aste honetan
Gaztainerre jaia larunbatean izango da Trintxerpen, baina badira ekimen gehiago, bihartik hasita. Fato Cultural Galegok antolatuta Magostoa ospatuko du aste honetan Galiziako komunitateak Pasaian. Gaztainerre jaiak ematen dio izena jaiari, horixe esan nahi baitu magosto-k galizieraz, baina gaztainak jatera mugatu ez, eta haren testuinguruan bestelako jarduerak antolatzen ditu urtero Pasaian Galiziako kulturaren alde lanean diharduen elkarteak. Hala, bihar bertan sinesdunek meza galizieraz ospatzeko aukera izango dute. Etzi, berriz, fedeak politikari utziko dio tartea. Uxio Breogan Dieguezek, hitzaldia emango du San Pedron, O soberanismo galego na emigrazón izenburupean. Uxio Breogan, historian lizentziaduna da, eta Alexandre Boveda Katedrako Dokumentazio eta Ikasketa Zentroaren zuzendaria. Txirikila txapelketa Kirol tradizionalak ere badu lekua Magostoaren barruko ospakizunetan. Azken hiru urteetan, Donibanen, eta Bixi-Bixi elkartearekin elkarlanean, Pasaiako Badia Txirikila Txapelketa antolatu dute bi elkarteek. Larunbata goizean izango da txapelketa, Donibaneko plazan. Txirikila, antzinako pilota jolasa da, Euskal Herrian nahiz Galizian jolasten zena. Galiziarrek Billarda deitzen diote kirolari. Bi makilekin jolasten da txirikilara. Makil txikienak bi punta ditu eta makil handiago batekin jotzen zaio. Pilota ateratzean jotzen den bezala. Pilota ahalik eta urrutien jaurtitzea da jokoaren helburua. Zendutako marinelak gogoan Arrantzan zebiltzala itsasoan zendutako marinelei egingo dieten omenaldiarekin bukatuko da igandean Magostoa. Urtero legez, San Pedroko Torrean bilduko [...]
Gaztainerre jaia larunbatean izango da Trintxerpen, baina badira ekimen gehiago, bihartik hasita.
Fato Cultural Galegok antolatuta Magostoa ospatuko du aste honetan Galiziako komunitateak Pasaian. Gaztainerre jaiak ematen dio izena jaiari, horixe esan nahi baitu magosto-k galizieraz, baina gaztainak jatera mugatu ez, eta haren testuinguruan bestelako jarduerak antolatzen ditu urtero Pasaian Galiziako kulturaren alde lanean diharduen elkarteak.
Hala, bihar bertan sinesdunek meza galizieraz ospatzeko aukera izango dute. Etzi, berriz, fedeak politikari utziko dio tartea. Uxio Breogan Dieguezek, hitzaldia emango du San Pedron, O soberanismo galego na emigrazón izenburupean.
Uxio Breogan, historian lizentziaduna da, eta Alexandre Boveda Katedrako Dokumentazio eta Ikasketa Zentroaren zuzendaria.
Txirikila txapelketa
Kirol tradizionalak ere badu lekua Magostoaren barruko ospakizunetan. Azken hiru urteetan, Donibanen, eta Bixi-Bixi elkartearekin elkarlanean, Pasaiako Badia Txirikila Txapelketa antolatu dute bi elkarteek. Larunbata goizean izango da txapelketa, Donibaneko plazan.
Txirikila, antzinako pilota jolasa da, Euskal Herrian nahiz Galizian jolasten zena. Galiziarrek Billarda deitzen diote kirolari. Bi makilekin jolasten da txirikilara. Makil txikienak bi punta ditu eta makil handiago batekin jotzen zaio. Pilota ateratzean jotzen den bezala. Pilota ahalik eta urrutien jaurtitzea da jokoaren helburua.
Zendutako marinelak gogoan
Arrantzan zebiltzala itsasoan zendutako marinelei egingo dieten omenaldiarekin bukatuko da igandean Magostoa. Urtero legez, San Pedroko Torrean bilduko dira galiziarrak, lore eskaintza egiteko. Trintxerpeko Azokatik irtengo dira lehenik, Triskela dantza taldeko gaita jotzaileek lagunduta. Eguraldi txarra egingo balu, omenaldia arrandegian egingo dutela ohartarazi dute.
Egitaraua
- Bihar, osteguna. 19:00etan, meza galizieraz, Trintxerpeko Karmengo Amaren parrokian.
- Etzi, ostirala. O soberanismo galego na emigrazón izeneko hitzaldia, Uxio Breogan Dieguezen eskutik, 10:00etatik aurrera, San Pedroko Udal Aretoan.
- Etzidamu, larunbata. 11:00etan, Pasaiako Badia III. Txirikila Txapelketa Donibaneko Santiago plazan. 18:30ean, Gaztainerre jaia Trintxerpeko pilotalekuan.
- Igandea. 13:00etan, San Pedroko Torrean, itsasoan hil diren arrantzaleei omenaldia.
