Hainbat ekitaldi egingo dituzte Gezalan, ikastolaren inaugurazioaren harira
Lezoko eraikinaren inaugurazio ofiziala pasa den igandean egin zuten arren, Pasaia-Lezo Lizeoak eraikin berria duela ospatzeko hainbat ekitaldia antolatu ditu datozen egunetan. Horrela, datorren ostiralean, Deja Bu taldeak Azken Portua eskainiko du, ha...
Lezoko eraikinaren inaugurazio ofiziala pasa den igandean egin zuten arren, Pasaia-Lezo Lizeoak eraikin berria duela ospatzeko hainbat ekitaldia antolatu ditu datozen egunetan. Horrela, datorren ostiralean, Deja Bu taldeak Azken Portua eskainiko du, haurrentzako. Gezala Auditoriumean izango da, 18:00etatik aurrera. Sarrera doan izango da. Antolatzaileek azaldu dutenez, haurrek izango dute lehentasuna, eta aretoa betetzen ez badute, gurasoei utziko diete sartzen.
Igandean, berriz, Asier Altuna zuzendariaren Bertsolari filma ikusteko aukera izango da. Zinema aretoetan ikusteko aukerarik izan ez duenak, igandean ikus dezake. Sarrerek hiru euro balio dute.
Otsailaren 4ean, larunbata, Deja Bu panpin laborategiaren beste antzezlan bat ikusteko aukera izango da: Gure bide galduak. Sarrerek hamar euro balio dute, eta Lezoko estnakoan eta kioskoan eros daitezke, baita Errenteria-Oreretako Xenpelar kulturdendan eta Pasaia-Lezo Lizeoko idazkaritzan ere.
