Soroeta auzoko lanen lehenengo fasea astelehenean hasiko dute
Soroeta auzoa berritzeko lanak astelehenean hasiko dituzte: dagoeneko hasi dira lanen materiala auzoan uzten. Lanek 15 hilabete iraungo dute eta aurrekontua 15.000 eurokoa da. Proiektua Altair Ingeneria izeneko enpresak idatzi zuen, eta Orsa eta Otegi-Gaztañaga enpresek egingo dute obra. Helburua, auzoan saneamendu sare bereizlea ezartzea eta oinezkoei lehentasuna ematea da. Espaloi zabalak eta bide estuak ere egingo dituzte, oinezkoak eta bizikletak erosoago ibiltzeko. Gainera, Amutekoaren antzeko kirolgunea egingo dute, Soroetako gaur egungo futbol zelaian. Horrez gain, argiteria aldatuko dute, eta kontsumo txikiko argiak jarriko dituzte. Hiri altzari berriak jarriko dituzte, eta baita berdegune berriak ere. Espaloietan eta hiriguneetan 150 zuhaitz landatuko dituzte. Obrek irauten duten bitartean, Soroetako futbol zelaia aparkaleku gisa erabili ahal izango dute herritarrek. Girizi kalean hasiko dituzte lanak, eta bertan beste 35 aparkaleku berri egongo dira. Horiek behin betikoak izango dira. «Auzoak biziberritzeko beharra du. 1960ko hamarkadan eraiki zuten, eta orain arte ez da berritze lanik egin; konponketa lan txikiak bakarrik egin dira, eta zahartuta gelditu da», azaldu zuen atzo goizean Aitor Kerejetak, Hondarribiko alkateak. Trafikoan aldaketak Lau hilabete iraungo ditu lanen lehen zatiak. Bi aldaketa nagusi egingo dituzte fase horretan. Batetik, Donostia kaleko lehendabiziko zatia, Iturriberritik Dia hipermerkatuko biribilguneraino doana, gorantz joateko izango da bakarrik. Eta [...]
Soroeta auzoa berritzeko lanak astelehenean hasiko dituzte: dagoeneko hasi dira lanen materiala auzoan uzten. Lanek 15 hilabete iraungo dute eta aurrekontua 15.000 eurokoa da. Proiektua Altair Ingeneria izeneko enpresak idatzi zuen, eta Orsa eta Otegi-Gaztañaga enpresek egingo dute obra.
Helburua, auzoan saneamendu sare bereizlea ezartzea eta oinezkoei lehentasuna ematea da. Espaloi zabalak eta bide estuak ere egingo dituzte, oinezkoak eta bizikletak erosoago ibiltzeko. Gainera, Amutekoaren antzeko kirolgunea egingo dute, Soroetako gaur egungo futbol zelaian.
Horrez gain, argiteria aldatuko dute, eta kontsumo txikiko argiak jarriko dituzte. Hiri altzari berriak jarriko dituzte, eta baita berdegune berriak ere. Espaloietan eta hiriguneetan 150 zuhaitz landatuko dituzte.
Obrek irauten duten bitartean, Soroetako futbol zelaia aparkaleku gisa erabili ahal izango dute herritarrek. Girizi kalean hasiko dituzte lanak, eta bertan beste 35 aparkaleku berri egongo dira. Horiek behin betikoak izango dira.
«Auzoak biziberritzeko beharra du. 1960ko hamarkadan eraiki zuten, eta orain arte ez da berritze lanik egin; konponketa lan txikiak bakarrik egin dira, eta zahartuta gelditu da», azaldu zuen atzo goizean Aitor Kerejetak, Hondarribiko alkateak.
Trafikoan aldaketak
Lau hilabete iraungo ditu lanen lehen zatiak. Bi aldaketa nagusi egingo dituzte fase horretan. Batetik, Donostia kaleko lehendabiziko zatia, Iturriberritik Dia hipermerkatuko biribilguneraino doana, gorantz joateko izango da bakarrik. Eta bestetik, Soroetatik ateratzeko bi bide izango dira: lehena Haizeleku kaletik abiatu eta Diako biribilgunean ezkerretara joko duena izango da, ondoren Donostia kaletik ezkerrera eginda ateratzeko; bestea, Eguzkilore eta Ama Guadalupekoa bitartean dagoen kaletik ateratzeko izango da, Soroetako supermerkatuaren atzeko aldetik.
Hondarribiko Udalaren webgunean auzoa berritu eta gero izango duen itxura, eta obrak izango dituen faseak kontsulta ditzakete herritarrek.
Auzoan egingo dituzten trafiko aldaketak azaldu ditu Kerejetak.
