Inude eta artzainak bihar jaitsiko dira herrira
Bi aste luze iraun dute inauteriek Errenteria-Oreretan, eta astearteko sardinaren ehorzketarekin ez ziren amaitu: inude eta artzainek esango diete agur datorren urtera arte. Hain zuzen, Orereta Ikastolak antolatzen duen inude eta artzainen desfilea bih...
Bi aste luze iraun dute inauteriek Errenteria-Oreretan, eta astearteko sardinaren ehorzketarekin ez ziren amaitu: inude eta artzainek esango diete agur datorren urtera arte. Hain zuzen, Orereta Ikastolak antolatzen duen inude eta artzainen desfilea bihar izango da, 12:00etan, eta Erdialdeko kaleak zeharkatuko ditu. Aurten, hamabosgarrenez antolatu du, eta 450 lagunek parte hartuko dute haur eta helduen artean.
Arratsaldean, berriz, 17:30ean, pasa den igandean euriarengatik egin ahal izan ez zuten desfilea egingo dute konpartsek. Hainbat tokitan geratuko dira: Koldo Mitxelena plazan, Foru plazan, Xabier Olaskoaga plazan, Herriko Plazan, eta azkenik, Gamon Zumardian.
Errenteriako Udaletik gogorarazi dutenez, desfilea egiteko Biteri eta Maria Lezo kaleak itxiko dituzte. Horrenbestez, bertan bizi direnei autoa ez hartzeko gomendatu die.
