Lezo Zero Zabor taldea sortzeko bilera, bihar
Herritar talde batek proposatuta, Lezo Zero Zabor taldea osatzeko bilera egingo dute bihar arratsaldean. Hitzordua 19:00etan izango da, Oroitzene euskaltegian. Pasa den asteazkenean Gipuzkoa Zero Zabor taldeko bi kidek hitzaldia eman zuten Gezala Audit...
Herritar talde batek proposatuta, Lezo Zero Zabor taldea osatzeko bilera egingo dute bihar arratsaldean. Hitzordua 19:00etan izango da, Oroitzene euskaltegian.
Pasa den asteazkenean Gipuzkoa Zero Zabor taldeko bi kidek hitzaldia eman zuten Gezala Auditoriumean. Hitzaldia bukatu ondoren, lezoar batek hartu zuen hitza, eta herrian horrelako talde bat sortzeko «beharra» ikusten zuela adierazi zien herritarrei.
Horrela, talde horretan “ahalik eta jende gehiena” biltzeko eskakizuna egin zuen herritarrak hitzaldian: “Udalak behar duena egingo du, baina herritarrok ere gure partetik zerbait jarri behar dugu, are gehiago datorren urtean atez ateko hondakinen bilketa sistema jarriko dutenean”.
Zero zabor eredua bultzatzen duten beste hamazazpi talde daude Gipuzkoako beste hainbeste udalerritan.
