Solas-Jolas programan izena emateko epea ostiralean bukatuko da
Ostiralean amaituko da Irungo Udaleko Euskara arloak antolatzen duen Solas-Jolas udaleku irekian parte hartzeko izena emateko epea. Solas-Jolas Haur Hezkuntzako 4 eta 5 urteko geletako eta Lehen Hezkuntzako 1. eta 4. maila bitarteko haurrei zuzenduta dagoen udaleku ireki programa da; Lehen Hezkuntzako 5. eta 6. mailetako hezkuntza premia berezia duten umeek ere parte har dezakete. Fernando San Martin Euskara Ordezkariak nabarmendu du aurreko aldietan programak emaitza oso onak izan dituela haurren hizkuntzarekiko jarrera hobetze aldera: “urte asko dira programa honekin hasi ginela, baina guk ilusio berberarekin jarraitzen dugu antolatzen. Izan ere, oso harrera ona du guraso, ume eta irakasleen artean, oso programa arrakastatsua da”. Zinegotziak adierazi duenez, Solas-Jolasen bitartez haurrak ohartzen dira euskara ez dela eskolan erabiltzeko hizkuntza soilik, “baizik eta, aisialdian ere, oso ondo pasa dezaketela euskara erabiliz”. Horretarako, Euskara ordezkariak azaldu du oso garrantzitsua dela gurasoen papera haurrak motibatzeko garaian. “Azken finean, haurrek sekulako aukera izango dute ikasgelatik kanpo eta modu naturalean euskaraz disfrutatzeko eta bizitzeko”, gaineratu du. Lekuen zozketa Plazak zozketaren bidez banatuko dira. Udaletik esan dutenez iaz kanpoan geratu zirenak aurrenak izango dira aurten: “Aurten, iaz bezala, programaren kalitatea hobetze aldera, eta gurasoek egindako eskakizunari erantzunez, zozketa egiteko momentuan iaz parte hartu ez zuten umeak lehenetsiko [...]
Ostiralean amaituko da Irungo Udaleko Euskara arloak antolatzen duen Solas-Jolas udaleku irekian parte hartzeko izena emateko epea. Solas-Jolas Haur Hezkuntzako 4 eta 5 urteko geletako eta Lehen Hezkuntzako 1. eta 4. maila bitarteko haurrei zuzenduta dagoen udaleku ireki programa da; Lehen Hezkuntzako 5. eta 6. mailetako hezkuntza premia berezia duten umeek ere parte har dezakete.
Fernando San Martin Euskara Ordezkariak nabarmendu du aurreko aldietan programak emaitza oso onak izan dituela haurren hizkuntzarekiko jarrera hobetze aldera: “urte asko dira programa honekin hasi ginela, baina guk ilusio berberarekin jarraitzen dugu antolatzen. Izan ere, oso harrera ona du guraso, ume eta irakasleen artean, oso programa arrakastatsua da”.
Zinegotziak adierazi duenez, Solas-Jolasen bitartez haurrak ohartzen dira euskara ez dela eskolan erabiltzeko hizkuntza soilik, “baizik eta, aisialdian ere, oso ondo pasa dezaketela euskara erabiliz”. Horretarako, Euskara ordezkariak azaldu du oso garrantzitsua dela gurasoen papera haurrak motibatzeko garaian. “Azken finean, haurrek sekulako aukera izango dute ikasgelatik kanpo eta modu naturalean euskaraz disfrutatzeko eta bizitzeko”, gaineratu du.
Lekuen zozketa
Plazak zozketaren bidez banatuko dira. Udaletik esan dutenez iaz kanpoan geratu zirenak aurrenak izango dira aurten: “Aurten, iaz bezala, programaren kalitatea hobetze aldera, eta gurasoek egindako eskakizunari erantzunez, zozketa egiteko momentuan iaz parte hartu ez zuten umeak lehenetsiko dira, betiere, uko egin ez bazioten esleitutako plazari”.
Parte hartu nahi dutenek 010 edo 943 505 152 telefono zenbakietara deitu behar dute, 08:00etatik 20:00etara (larunbatean 08:30tik 13:00etara); udal webgunearen bitartez ere egin daiteke. Zozketarako onartuen zerrenda apirilaren 4an argitaratuko dute. Apirilaren 16an dauden aurreizen-emateen artean zozketa egingo da plazak banatzeko. Tokatu zaienei gutun bana igorriko zaie, apirilaren 23tik maiatzaren 4ra bitarte behin betiko izen-ematea egiten dezaten.
Ordainketa banketxeetako leihatiletan eta kutxazainetan egin ahalko da, baita internetez ere, udal webguneko ordainketak Internet bidez atalaren bidez. Ordaindu eta gero nahi duenak aukera izango du behin betiko matrikulazioa interneten bidez egiteko (www.irun.org/solasjolas).
Ikastetxeak:
- Uztailan: Belaskoenea, Dunboa LH, Elatzeta, Lekaenea, Toki-Alai, Txingudi Ikastola eta Dunboa BHI.
- Abuztuan: Lekaenea LHI eta Dunboa LHI.
