Pasaiako PSE-EE, atez atekoa ezartzearen kontra
EAJk egin antzera Pasaiko PSE-EEk ere, atez atekoaren kontrako mozioa erregistratu du udaletxean. Pasaian “inposatu” nahi duten sistemaren kontra agertu dira erabat, “gure udalerriko kaleak hondakinez betetzea” ekarriko duelakoa...
EAJk egin antzera Pasaiko PSE-EEk ere, atez atekoaren kontrako mozioa erregistratu du udaletxean. Pasaian “inposatu” nahi duten sistemaren kontra agertu dira erabat, “gure udalerriko kaleak hondakinez betetzea” ekarriko duelakoan. “Bizilagunentzat deserosoa” izateaz gain, hondakinak biltzeko atez ateko sistema askoz ere garestiagoa izango dela deritzote. PSE-EEri ”eskuraezinak” iruditzen zaizkie Bilduk birziklatze eta konpostajerako ezarritako helburuak.
PSE-EEren mozioak hiru puntu nagusi ditu. Lehen puntuan “atez atekoa inposatzearen kontra” ager dadila eskatzen dio gobernuari, “sistema zikina, antiestetikoa, garestia, deserosoa, eta ez eraginkorra” delakoan.
Bigarren puntuan, birziklatze helburuak berresteko eskatzen dute, hondakinen bolumena gutxitzeko helburuz.
Azkenik, hondakin biodegradagarriak Gipuzkoak bertan tratatu ahal izateko guneen eraikuntzari laguntzeko eskatuko diote alkateari, eta bertako konposta udalerrian bertan erabiltzeko eskatu, modu horretan hondakinak garraiatzea dakarren kostua gutxitzeko.
