Lizeo Egunean, festa eta omenaldiak
Atzo egin zuen Pasaia-Lezo Lizeoko hezkuntza komunitateak urteroko festa. Donibaneko kiroldegian ikastolako ikasleek dantza eta musika ikuskizuna egin zuten. Horrez gain, 1976ko belaunaldia eta batxilergoko 2. mailako ikasleei gorazarre egin zieten. Rexu Olasagasti langileak ere aitortza jaso zuen, aurten erretiroa hartuko duelako.
Lizeoko Donibaneko eraikin nagusian bazkaria egin zuten ikuskizuna eta gero. Eguna bukatzeko dantzaldia izan zen.
