Epaiketa politikoekin bukatzeko eskatu du udalak
Asteazkenean Bateragune auzian defentsak aurkeztutako helegitea aztertu zuen Espainiako Auzitegi Gorenak, eta horren haritik, udalak eskatu dio Auzitegi Nazionalak emandakako ebazpena bertan behera uzteko eta zigortutako pertsona guztiak askatzeko. Hor...
Asteazkenean Bateragune auzian defentsak aurkeztutako helegitea aztertu zuen Espainiako Auzitegi Gorenak, eta horren haritik, udalak eskatu dio Auzitegi Nazionalak emandakako ebazpena bertan behera uzteko eta zigortutako pertsona guztiak askatzeko. Horien artean, Sonia Jacinto oreretarra nabarmendu du. Horrez gain, “epaiaren izaera politikoa” salatu du, eta Espainiako Estatuari “egun ukiezinak diren epaiketa politikoekin amaitzeko” eskatu dio. Horrekin, irailaren 27ko udalbatzan adostutakoa berretsi du udalak.
Eleak mugimenduak ere eskubide zibil eta politikoen kontrako erasotzat jo du Auzitegi Nazionalaren epaia, eta “Espainiako Estatuaren kalitate demokratiko baxua” adierazten du. Gaineratu duenez, “herri honetako gehiengoa gatazka gainditzeko bidean eta irtenbideak gauzatzeko lanean ari den arren, estatuko estamentuetatik gerra araudia aplikatzen segitzen dute”.
Irailaren 16an jakinarazi zuen Espaianiko Auzitegi Nazionalak epaia, eta hamarna urteko espetxe zigorra ezarri zien Arnaldo Otegi eta Rafa Diezi, eta zortzina urtekoa, Miren Zabaleta, Sonia Jacinto eta Arkaitz Rodriguezi. Txelui Moreno, Amaia Esnal eta Mañel Serra absolbitu zituen.
Bi hilabetera, azaroaren 16an, kasazio helegitea jarri zuen Gorenean defentsak epaia baliogabetzeko eskatuz.
