Azkenaren kontra 1-0 galdu eta jaitsieratik oso gertu jarri da Real Union
Real Unionek larunbatean garaipena lortu zuela, sailkapeneko azkenaren kontra hiru puntuak lortzeko arazorik izan ez zuela, eta sailkapenean arnasa hartu duela. Hori gaur idaztea izango litzateke normalena. Baina aurten ezin da txuribeltzengandik norma...
Real Unionek larunbatean garaipena lortu zuela, sailkapeneko azkenaren kontra hiru puntuak lortzeko arazorik izan ez zuela, eta sailkapenean arnasa hartu duela. Hori gaur idaztea izango litzateke normalena. Baina aurten ezin da txuribeltzengandik normalena espero, baizik eta kontrakoa. Real Unionek Lemoaren aurka galdu zuen (1-0), larunbatean Arlonausian jokatutako partidan. Hori izan zen gertatutakoa. Partidako gol bakarra Ekhik sartu zuen, bere atean, 23. minutuan.
Jardunaldia beltza izan zen irundarrentzat, atzetik segika dituen hiru taldeek puntuatu zutelako: Real Bk eta Palenciak irabazi zuten eta Arandinak berdindu. Ondorioz jaitsierako promozio postua bi puntura du Unionek —Unionek 40 puntu ditu, eta Realak eta Palenciak 38—, eta zuzeneko jaitsiera bostera —Arandinak 35 puntu ditu— .
Datorren asteburuan Burgosen kontra ariko da Irungo lehen taldea. Gaztelarrak hemezortzigarren postuan daude, 24 puntu dituzte, eta hanka bat baino gehiago Hirugarren Mailan. Baina, hala zegoen Lemoa ere.
