Obrak bukatuta, Jesus kaleko antolamendu aldaketak abiatu dituzte
San Juan plaza eta Jenaro Etxeandia inguruneko urbanizazio lanak amaituta, Jesus karrikaren antolamendu ezarri du udalak. Zoladura berritu dute, inguruneak izango duen erabilera berriari egikotzeko. Udaletik hasi dira bizilagunen artean aldaketen gaine...
San Juan plaza eta Jenaro Etxeandia inguruneko urbanizazio lanak amaituta, Jesus karrikaren antolamendu ezarri du udalak. Zoladura berritu dute, inguruneak izango duen erabilera berriari egikotzeko. Udaletik hasi dira bizilagunen artean aldaketen gaineko informazio banatzen. Batetik, Larretxipi kalea, Udaletxeko eskailak eta San Juan plazako lur azpiko aparkalekurako oinezkoentzako sarbide berriaren arteko zatian, ibilgailuen sarbidea itxi dute. Horrekin batera, egongune berri bat sortu dute Larretxipi kalearekin egiten den bidegurutzean, kale horren oinezkoentzako izaera areagotuz; Larretxipi kalearen eta Eguzkitza kalearen arteko zatia, berriz, partekatu egingo dute autoek eta oinezkoek.
Cristina Laborda Obretako ordezkariaren ustez “antolamendu berri honek oinezkoen, zirkulazioaren eta aparkalekuaren lehentasunezko erabilerak behar bezala bateratu beharrari erantzuten dio. Kontuan hartu dugu, orobat, aldaketa hauek hiriaren ondare historikoa bermatzeko eta babesteko ildorik doazela”.
Antolamendu berriaren arabera Jesus karrikan aparkatzea mugatuta egongo da, eta Alde Zaharreko egoiliarra txartelaren titularrek Sarjia kalean bakarrik aparkatu ahal izango dute.
