Autobus linea berriak Irunerako
Atzokoa zen hainbeste itxarondako eguna. Atzo hasi ziren martxan hiriko autobus linea berriak. Hilaren 2an inauguratu behar zituzten, baina apirileko etenik gabeko euriagatik Leon Iruretagoiena kalean moldatu duten bidea ezin asfaltatu, eta udalak hasiera data bi astez atzeratzea erabaki zuen. Horri bi hilabeteko atzerapena gehitu behar zaio, udalak urtarrileko osoko bilkurara eraman baitzuen gaia, baina babesik lortu ez eta martxora arte ezin izan zituen lineak adostu. Atzo abiatu zituzten lineen berritasun nagusiek Meaka eta Kateako auzotarrengan eragina izango dute. Batetik, Meakatik erdialdera taxibusa martxan jarri dute, Meakako autobus geltoki zaharretik Fermin Calbetoneko geltokira. Bestetik, Kateatik Bidasoko Ospitalera antzerako zerbitzu bat jarriko dute martxan, programa pilotu bezala. Cristina Laborda udaleko Mugikortasun eta Bide Publikoko ordezkariak azaldu duenez, autobusen erabilera sustatzea asmo dute bi zerbitzuek: “Meakaren kasuan erdialdetik urrunago egon daitezkeen auzoen edo jende gutxi bizi den lekuen arteko komunikazioa erraztu nahi dugu; eta Katea auzoari dagokionez, taxibus honekin auzo honetako erabiltzaileek ospitalera egiten dituzten joan-etorriak autobusez egin ahal izatea bermatu nahi izan dugu”. Taxibus zerbitzua hiritar denen erabilerarako jarri dute, baina ordubeteko aurrerapenarekin deituta, gutxienez (egokitutako taxibusa bezperatik eskatu behar da). Taxibusa eskatzeko 943 63 33 06 telefono zenbakira deitu behar da; bidaiaren prezioa euro batekoa da (69 zentimo Lurraldebus txartelarekin). [...]
Mikrobusak norabidez alda dezake Leon Iruretagoienan egokituko bidea erabiliz
Atzokoa zen hainbeste itxarondako eguna. Atzo hasi ziren martxan hiriko autobus linea berriak. Hilaren 2an inauguratu behar zituzten, baina apirileko etenik gabeko euriagatik Leon Iruretagoiena kalean moldatu duten bidea ezin asfaltatu, eta udalak hasiera data bi astez atzeratzea erabaki zuen. Horri bi hilabeteko atzerapena gehitu behar zaio, udalak urtarrileko osoko bilkurara eraman baitzuen gaia, baina babesik lortu ez eta martxora arte ezin izan zituen lineak adostu.
Atzo abiatu zituzten lineen berritasun nagusiek Meaka eta Kateako auzotarrengan eragina izango dute. Batetik, Meakatik erdialdera taxibusa martxan jarri dute, Meakako autobus geltoki zaharretik Fermin Calbetoneko geltokira. Bestetik, Kateatik Bidasoko Ospitalera antzerako zerbitzu bat jarriko dute martxan, programa pilotu bezala. Cristina Laborda udaleko Mugikortasun eta Bide Publikoko ordezkariak azaldu duenez, autobusen erabilera sustatzea asmo dute bi zerbitzuek: “Meakaren kasuan erdialdetik urrunago egon daitezkeen auzoen edo jende gutxi bizi den lekuen arteko komunikazioa erraztu nahi dugu; eta Katea auzoari dagokionez, taxibus honekin auzo honetako erabiltzaileek ospitalera egiten dituzten joan-etorriak autobusez egin ahal izatea bermatu nahi izan dugu”.
Taxibus zerbitzua hiritar denen erabilerarako jarri dute, baina ordubeteko aurrerapenarekin deituta, gutxienez (egokitutako taxibusa bezperatik eskatu behar da). Taxibusa eskatzeko 943 63 33 06 telefono zenbakira deitu behar da; bidaiaren prezioa euro batekoa da (69 zentimo Lurraldebus txartelarekin).
Informazio eraberritua
Autobus linea berriekin batera informazio panelak gaurkotu dituzte. Geltoki bakoitzean, bertan geratzen diren Irunbus eta Ekialdebusen ordutegiak ageri dira, eta Euskotreneko geltokia gertu duten geltokietan, topoarenak.
