Txingudi Beilatokia ireki dute Txiplao industriagunean
Funeraria Hondarribia SL enpresak Txingudi Beilatokiaren ateak zabaldu zituen iragan ostegunean Txiplao industriagunean. Enpresa berri honek orain arte eskualdean bakarra zen Tabisaren Beilatokiaren monopolioa haustea suposatuko du eta bere helburua, ...
Funeraria Hondarribia SL enpresak Txingudi Beilatokiaren ateak zabaldu zituen iragan ostegunean Txiplao industriagunean. Enpresa berri honek orain arte eskualdean bakarra zen Tabisaren Beilatokiaren monopolioa haustea suposatuko du eta bere helburua, Iñaki Garrido gerentearen hitzetan, «Hondarribian bertan eta hondarribiarren eskutik, familiek pasa ohi duten une txarretan ahalik eta zerbitzu onena ematea» izango da.
600 metro karratu
Instalazioak Jesus Javier Domínguez parrokoak bedeinkatu zituen ostegunean eta Juan Mari Altuna alkateordeak ongi etorria eman zion enpresa berriari. Eskerrak eman nahi izan zituen eta «denbora zail hauetan edozein proiektu martxan jarri eta lanpostuak sortzea meritua ere badelako», eskertu zuen enpresa pribatua.
Txingudi beilatokiak 600 metro karratuko instalazioa du, hiru beilatze gela dauzka eta azken agurrerako gela bat jarri dute, besteak beste.
