Etxebizitza eta osasunari buruzko hitzaldia eskainiko dute ostegunean Kabigorri Ateneoan

Gure etxebizitzak osasunerako kaltegarriak izan daitezke. Etxebizitzaren kokapenak, inguruko zein barruko telekomunikabide azpiegiturek, gailu elektrikoek, eta beste hainbat faktorek eragin dezakete gure osasunean. Horretaz jardungo dute ostegunean Pe

Gure etxebizitzak osasunerako kaltegarriak izan daitezke. Etxebizitzaren kokapenak, inguruko zein barruko telekomunikabide azpiegiturek, gailu elektrikoek, eta beste hainbat faktorek eragin dezakete gure osasunean. Horretaz jardungo dute ostegunean Peña kaleko Kabigorri Bidasoaldeko Ateneoan, Etxebizitzak eta osasuna goiburuko hitzaldian.

Gaia bi ikuspuntutik aztertuko dute, geologia eta arkitektura landuz. Horretarako, Ramon Erauso geologoa eta Jon Perez arkitektoa gonbidatu dituzte Kabigorrira. Biek etxebizitzetan osasunerako kaltegarriak izan daitezkeen faktoreak azalduko dituzte, besteak beste, erradiazio naturalak (erradioaktibitatea, lurpeko urak, failak…) eta artifizialak (sare elektrikoak, transformagailuak, telefonia antenak, wifi-a…). Eta arrisku mota bakoitzak izan ditzazkeen irtenbideak argitzen saiatuko dira; hala, tresnez eta detekzio metodoez, eta gure burua babesteko aukerez hitzegingo dute ostegunean Peña kaleko ateneoan.

Hitzaldiaren ondoren Erausok eta Perezek entzuleen galderak erantzungo dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.