Artisauen eta jakien 80 postu jarriko dituzte Erdi Aroko Azokan
Hondarribia Erdi Arora bueltatuko da bi egunez, izan ere, Erdi Aroko Azoka antolatu dute astebururako udalak eta Napar Bideak elkarteak. Erakustaldiak, tailerrak eta animazioak izango dira Gune Historikoan. Artisauen eta jakien 80 postu inguru jarriko dituzte, eta iraganeko tresnak ezagutzeko aukera izango da. Hondarribia, Erdi Aroan, merkataritza-gune garrantzitsua izan zen eta azokei esker, merkatari eta artisauen komunitate dinamikoa bihurtu zen. Horrela, arotzak, errementariak, upelgileak, urreginak, harginak… Erdi Aroko hirigunera itzuliko dira, garai hartako artisauen jakinduria ezagutzeko. Postuez gain, makina bat ekitaldi izango dira bi egunetan. Saltinbankiak, titiriteroak, malabaristak eta juglareak; horiek denak Hondarribian bilduko dira azokako bizitza islatu eta girotzeko, eta gainera, kristau, arabiar eta judu kulturak elkarrekin egongo dira. Milaka bisitari izaten ditu azokak urtero. Tailerrak eta erakustaldiak Erdi Aroko ohiturak ezagutzeko tailerretan parte hartzeko aukera ere izango da: buztina, landareak, ehungintza, beira puztua, joko zaharrak, egurrezko kateak… Horrez gain, ikuskizun asko izango dira: arku jaurtiketak, aldi bereko xake partidak, gaiteroak, txotxongiloak, juglareak, malabaristak, ipuin kontalariak, iraganeko tresnen erakusketa, arabiar haima eta ardiaren gunea, besteak beste. «Alde Zaharra Erdi Aroko gaiekin apainduko dugu. Azokak sor ditzakeen arazoen inguruan ulermena eta barkamena eskatu nahi nieke, aldi berean, hondarribiarrei. Jakin badakigu hala dela, baina ekimen oso berezia da», azaldu zuen atzoko [...]
Hondarribia Erdi Arora bueltatuko da bi egunez, izan ere, Erdi Aroko Azoka antolatu dute astebururako udalak eta Napar Bideak elkarteak. Erakustaldiak, tailerrak eta animazioak izango dira Gune Historikoan. Artisauen eta jakien 80 postu inguru jarriko dituzte, eta iraganeko tresnak ezagutzeko aukera izango da. Hondarribia, Erdi Aroan, merkataritza-gune garrantzitsua izan zen eta azokei esker, merkatari eta artisauen komunitate dinamikoa bihurtu zen. Horrela, arotzak, errementariak, upelgileak, urreginak, harginak… Erdi Aroko hirigunera itzuliko dira, garai hartako artisauen jakinduria ezagutzeko.
Postuez gain, makina bat ekitaldi izango dira bi egunetan. Saltinbankiak, titiriteroak, malabaristak eta juglareak; horiek denak Hondarribian bilduko dira azokako bizitza islatu eta girotzeko, eta gainera, kristau, arabiar eta judu kulturak elkarrekin egongo dira. Milaka bisitari izaten ditu azokak urtero.
Tailerrak eta erakustaldiak
Erdi Aroko ohiturak ezagutzeko tailerretan parte hartzeko aukera ere izango da: buztina, landareak, ehungintza, beira puztua, joko zaharrak, egurrezko kateak… Horrez gain, ikuskizun asko izango dira: arku jaurtiketak, aldi bereko xake partidak, gaiteroak, txotxongiloak, juglareak, malabaristak, ipuin kontalariak, iraganeko tresnen erakusketa, arabiar haima eta ardiaren gunea, besteak beste.
«Alde Zaharra Erdi Aroko gaiekin apainduko dugu. Azokak sor ditzakeen arazoen inguruan ulermena eta barkamena eskatu nahi nieke, aldi berean, hondarribiarrei. Jakin badakigu hala dela, baina ekimen oso berezia da», azaldu zuen atzoko aurkezpenean Txomin Sagarzazu Kultura zinegotziak. Azoka ikustera hurbilduko direnentzat bost aparkaleku egokituko dituzte. Napar Bideak-en ordezkaria Jesus Orduna izan zen atzoko agerraldian.
Argazki lehiaketa
Hondarribiko 2012. Erdi Aroko Azoka izenburuko argazki lehiaketa ere martxan jarriko dute azoka bitartean. Aurten bildutako argazkiekin erakusketa egingo dute datorren urtean. Hondarribia.org webgunean kontsulta daitezke lehiaketaren oinarriak.
Egitaraua
Larunbata, hilak 9
Azoka. Artisauak, erakustaldiak, tailerrak, animazioa, jarduerak, lehiaketak eta erakusketak, 10:00etatik 14:00etara eta 17:00etatik 21:00etara, Gune Historikoan.
Egur jokoak. Hondarribiko Saindua, Andoain, Donostia eta Urnietako gaztelekuen eskutik, 11:00etatik 14:00etara eta 17:00etatik 20:00etara, Damarri plazan.
Antzerkia. Kasino Zaharra antzerki taldearen eskutik eta Esther espartzak idatzitako eta zuzendutako Egutegiko neskak, 18:00:00etan, Zuloaga Etxean.
Kontzertua. Miren bakarlariaren Laztantzen nauen eskua izeneko kontzertua, 21:00etan, Erreginaren Baluartean.
Igandea, hilak 10
Azoka. Artisautza, erakustaldiak, tailerrak, animazioa, jarduerak, lehiaketak eta erakusketak, 10:00etatik 14:00etara eta 17:00etatik 21:00etara, Gune Historikoan.
Mutxikoak. Zumardikoak elkartearen eskutik, 12:00etan, Zumardian.
Hilaren 30 arte
Erakusketa. Iazko azokako argazki erakusketa, goizez eta arratsaldez zabalik, Zuloaga Etxean.
Erdi Aroko artisauen jakinduria eta jarduna erakutsiko dituzte Gune Historikoan.
