Berdintasun Kontseiluak espontsorizatzeko deialdia egin du
Iaz bezala, emakumeen hiru kirol talde espontsorizatuko ditu Berdintasun Kontseiluak, eta dagoeneko ireki du eskaerak aurkezteko epea. Oinarriak hilaren 1ean azaltzekoak ziren Gipuzkoako Aldizkari Ofizialean, eta behin hor argitaratuta, hamabost egunek...
Iaz bezala, emakumeen hiru kirol talde espontsorizatuko ditu Berdintasun Kontseiluak, eta dagoeneko ireki du eskaerak aurkezteko epea. Oinarriak hilaren 1ean azaltzekoak ziren Gipuzkoako Aldizkari Ofizialean, eta behin hor argitaratuta, hamabost eguneko epea dago eskaerak aurkezteko.
Berdintasun Kontseiluaren asmoa “kirolarekiko emakumeen motibazioa indartzea” da. Helburu hori lortzeko ezinbestekotzat jotzen du emakumeek kirola egiterakoan gizonen aukera berdinak izatea, emakumeek egindako kirola ikustaraztea eta sozialki ikuskizuna dela aitortzea, eta azkenik, bereziki emakume gazteei kirolean jarraitzeko moduko ereduak ematea.
Iaz, Errenteriako Atletismo Taldeak, Hibaika arraun elkarteak eta Ereintza eskubaloi taldeak lortu zuten espontsorizazio hori. Berdintasun Kontseiluak jarraipena egin die, eta konpromisoa hartu du komunikabideetan euren presentzia areagotzeko.
