Maitane Linazasoro: “Herriko gazteen arteko komunikazioa bermatzea du helburu Gazte Egunak”
Gazte Eguna egingo dute bihar zortzigarren aldiz Errenteria-Oreretako gazteek antolatuta. Maitane Linazasoro (Errenteria-Orereta, 1986) antolatzaileetako bat da. Gazte Eguna egingo duzue bihar. Zortzigarren aldia izango da, ezta? Bai. 1995ean nazio mailako Gazte Eguna antolatu zuten Oreretan. Urte hartan, Gazte Egunaren ekimenetan zendu zen Ibon Zabala gazte oreretarra. Eten bat izan zen eta ondoren, 2005ean, Zabalaren omenez hasi ginen antolatzen. Aurtengoa beraz, Gazte Egunaren zortzigarren aldia izango da. Nork antolatzen du Gazte Eguna? Herriko gazteen artean antolatzen da. Lehenengo aldia antolatzeko hainbat gazte eta koadrila elkartu ziren, eta haiek izan ziren antolatzaileak. Hortik aurrera hori izan da dinamika, herriko gazteak bildu eta guztion artean antolatzea. Aurten, adibidez, antolaketan parte hartu dugun gazteok hilabete pasatxo eman dugu asteazkenero bilerak egiten Patxikun, eta guztira hamar lagun elkartu gara. Behin egitaraua zehaztuta, lana banatu dugu herriko beste koadrilen artean. Eta zein helburu du? Urtero helburu ezberdin bat jartzen da, eta aurtengoa herriko gazteen arteko komunikazioa bermatzea da, elkar ezagutzea. Oreretako gazteek ez dugu izaten bata bestearen berri, bakoitza gure gunean ibiltzen garelako edo, eta ez dugulako gure arteko harremanik. Horrekin bukatu eta gazteen arteko komunikazio zubiak sortzea litzateke, beraz, aurtengo Gazte Egunaren helburua. Parte hartzearen gaineko zein balorazio egiten duzue? Gazte ugari animatzen da [...]
Gazte Eguna egingo dute bihar zortzigarren aldiz Errenteria-Oreretako gazteek antolatuta. Maitane Linazasoro (Errenteria-Orereta, 1986) antolatzaileetako bat da. Gazte Eguna egingo duzue bihar.
Zortzigarren aldia izango da, ezta?
Bai. 1995ean nazio mailako Gazte Eguna antolatu zuten Oreretan. Urte hartan, Gazte Egunaren ekimenetan zendu zen Ibon Zabala gazte oreretarra. Eten bat izan zen eta ondoren, 2005ean, Zabalaren omenez hasi ginen antolatzen. Aurtengoa beraz, Gazte Egunaren zortzigarren aldia izango da.
Nork antolatzen du Gazte Eguna?
Herriko gazteen artean antolatzen da. Lehenengo aldia antolatzeko hainbat gazte eta koadrila elkartu ziren, eta haiek izan ziren antolatzaileak. Hortik aurrera hori izan da dinamika, herriko gazteak bildu eta guztion artean antolatzea. Aurten, adibidez, antolaketan parte hartu dugun gazteok hilabete pasatxo eman dugu asteazkenero bilerak egiten Patxikun, eta guztira hamar lagun elkartu gara. Behin egitaraua zehaztuta, lana banatu dugu herriko beste koadrilen artean.
Eta zein helburu du?
Urtero helburu ezberdin bat jartzen da, eta aurtengoa herriko gazteen arteko komunikazioa bermatzea da, elkar ezagutzea. Oreretako gazteek ez dugu izaten bata bestearen berri, bakoitza gure gunean ibiltzen garelako edo, eta ez dugulako gure arteko harremanik. Horrekin bukatu eta gazteen arteko komunikazio zubiak sortzea litzateke, beraz, aurtengo Gazte Egunaren helburua. Parte hartzearen gaineko zein balorazio egiten duzue?
Gazte ugari animatzen da Gazte Egunean parte hartzera, iaz 100 gaztetik gora elkartu ginen eta aurten ere hala izatea espero dugu. Egiten dugun balorazioa oso positiboa da.
Adin mugarik ba al dago parte hartzeko?
Ez dago adin mugarik inondik inora ere. Gazte Eguna, gazte sentitzen den ororentzat da. Horren harira dei egin nahi diegu gazte diren eta gazte sentitzen diren guztiei bihar Foru Plazan egun osorako antolatu dugun Gazte Egunarekin bat egin dezaten.
Egitaraua
- 10:30. Ezagutza jolasak.
- 13:00. Ekitaldia.
- 14:00. Bazkaria (txartelak salgai daude Landare, Gailur eta Arkaitzan, 12 euroan).
- 17:00. Jolas poteo musikala.
- 23:00. Bietan Egurra taldearekin kontzertua. Ondoren gazte musika.
Ekitaldi guztiak Foru Plazan egingo dituzte.
