Gabon egunean abestu nahi dutenak astelehenero elkartuko dira Eskifaian
Eskifaia Abesbatza kalez kale ariko da abenduaren 24ko eguerdian, Kantu Berri On! egitasmoaren bigarren ekitaldian. Eskifaia Elkarteak antolatutako ekimena da, baina ez dago Eskifaiakoei soilik zuzenduta, 16 urtetik gorako herritar guztiei baizik. Horregatik, egoitzako atea abesbatzakoak ez direnentzat ere irekita egongo da astelehenero, 20:15etik 21:00etara (Jostaldi pilotalekuaren ondoan). Herenegun hasi ziren entseguekin, iazko ekitaldian abestutako kantak gogoratuz: Haurtxo maite, Olentzero, Lau haizetara, Noel, noel… “Ekintza honen helburua gabonetan abestu nahi duten guztiei abesbatza irekitzea da”, esan du Anatxo Gezala Eskifaiako kideak. “Herrian sekulako zaletasuna dago abesbatzekin, giro izugarria sortzen da, baina askok ez dute beren burua Eskifaian ikusten, edo ezin dute konpromiso hori hartu”, adierazi du. 16 urtetik gorakoentzat antolatutako ekimena da. Iaz egin zuten lehen aldiz eta oso gustura geratu zirela esan du Gezalak: “Esperientzia izugarri ona izan zen. Hogei lagun batu zitzaizkigun abenduaren 24rako eta horietako hiruk, gainera, abesbatzan modu iraunkorrean sartzea erabaki zuten. Ez zuten euren burua abesbatzan ikusten eta, begira, oso ondo sartu dira Eskifaian”. Entsegu arinak Eskifaiatik kantu zaletasuna duten guztiei dei egin diete parte hartzeko, edozein dela beren maila: “Entseguak oso arinak dira eta ez da beharrezkoa musika ikasketak edukitzea Kantu Berri On! ekintzan parte hartzeko”. Iazkoa ondo atera zenez, aurten antzerako ibilbidea egingo [...]
Eskifaia Abesbatza kalez kale ariko da abenduaren 24ko eguerdian, Kantu Berri On! egitasmoaren bigarren ekitaldian. Eskifaia Elkarteak antolatutako ekimena da, baina ez dago Eskifaiakoei soilik zuzenduta, 16 urtetik gorako herritar guztiei baizik. Horregatik, egoitzako atea abesbatzakoak ez direnentzat ere irekita egongo da astelehenero, 20:15etik 21:00etara (Jostaldi pilotalekuaren ondoan).
Herenegun hasi ziren entseguekin, iazko ekitaldian abestutako kantak gogoratuz: Haurtxo maite, Olentzero, Lau haizetara, Noel, noel… “Ekintza honen helburua gabonetan abestu nahi duten guztiei abesbatza irekitzea da”, esan du Anatxo Gezala Eskifaiako kideak. “Herrian sekulako zaletasuna dago abesbatzekin, giro izugarria sortzen da, baina askok ez dute beren burua Eskifaian ikusten, edo ezin dute konpromiso hori hartu”, adierazi du.
Kantu Berri On! ekimena irekia dela nabarmendu dute
16 urtetik gorakoentzat antolatutako ekimena da. Iaz egin zuten lehen aldiz eta oso gustura geratu zirela esan du Gezalak: “Esperientzia izugarri ona izan zen. Hogei lagun batu zitzaizkigun abenduaren 24rako eta horietako hiruk, gainera, abesbatzan modu iraunkorrean sartzea erabaki zuten. Ez zuten euren burua abesbatzan ikusten eta, begira, oso ondo sartu dira Eskifaian”.
Entsegu arinak
Eskifaiatik kantu zaletasuna duten guztiei dei egin diete parte hartzeko, edozein dela beren maila: “Entseguak oso arinak dira eta ez da beharrezkoa musika ikasketak edukitzea Kantu Berri On! ekintzan parte hartzeko”.
Iazkoa ondo atera zenez, aurten antzerako ibilbidea egingo dute abenduaren 24an. Mendeluko Betharram zaharren egoitzan hasi eta Portuan bukatu zuten; bidean Amuten, Kostan, Damarri plazan (Zumardia parean) eta Arma Plazan geldialdiak egin zituzten, abesteko.
Informazio gehiago nahi dutenek Facebook orriaren bitartez edo 660 47 58 02 telefono zenbakira deituta lor dezakete.
