Pediatriako bi kupo berri ezarriko dituzte Bidasoa eskualdean
Etzitik aurrera, Bidasoa eskualdean bi pediatria kupo gehiago izango dira, eta horrek eragin zuzena izango du Irungo zein Hondarribiko zenbait erabiltzaileengan. Orain arte hamar kupo zeuden, eta hamabi izango dira aurrerantzean. Horrenbestez, astelehe...
Etzitik aurrera, Bidasoa eskualdean bi pediatria kupo gehiago izango dira, eta horrek eragin zuzena izango du Irungo zein Hondarribiko zenbait erabiltzaileengan. Orain arte hamar kupo zeuden, eta hamabi izango dira aurrerantzean. Horrenbestez, astelehenetik ostiralera, 08:00etatik 15:00etara, pediatriako urjentzietara joan behar duten erabiltzaile guztiek asignatuta duten osasun-zentrora joan beharko dute, ordu horretan eskualdeko osasun zentro guztietan izango delako pediatria zerbitzua.
Irun eta Hondarribiko erabiltzaile gehienek ez dute aldaketarik nabarituko, baina onura nabarmena suposatuko du Anaka, Jaitzubia, Larreaundi eta Irungo Erdialdeko haurrentzat. Izan ere, abiatuko dituzten kupo berriak Bidasoa Ospitaleko Kanpo-Kontsultetan eta Erdiguneko Zentroan jarriko dituzte. Hala, Anaka eta Jaitzubiko haurrek Ospitalean jasoko dute lehen arreta, eta Larreaundi eta Erdiguneko haur guztiek Irun-Erdialdea zentroan.
Ospitalizazioak Donostian
Ondorioz, zehaztutako ordutegian ez da urgentziazko pediatrarik izango Bidasoako Ospitalean, 15:00etatik 08:00etara, eta asteburuetan. Orain ate bezala, urjentzietako harreran izango da mediku hori. Bestalde, Ospitalizazioa behar duten haurrak Donostiako erietxera bideratuko dituzte.
Eusko Jaurlaritzako Osasun Sailetik jakinarazi dutenez, “haur hauen gurasoek aldaketen berri emango dien gutun bat jasoko dute aste honetan”.
