Kultur Etxean txikigela eta ludoteka bana irekitzeko sinadurak biltzen hasi dira
Kultur Etxean 0-6 urteko haurrentzat txikigela bat eta 6tik gorakoentzat ludoteka bat irekitzeko sinadurak biltzen hasi dira. Loraitz Haurreskolan umea duen ama baten ekimena da eta, herrian zerbitzu horiek ez daudela eta Kultur Etxean gela hutsak daud...
Kultur Etxean 0-6 urteko haurrentzat txikigela bat eta 6tik gorakoentzat ludoteka bat irekitzeko sinadurak biltzen hasi dira. Loraitz Haurreskolan umea duen ama baten ekimena da eta, herrian zerbitzu horiek ez daudela eta Kultur Etxean gela hutsak daudela argudiatzen du: “Musika eskola dagoen eraikinean oraindik gela libreak daude; egoera hau aprobetxatuz udalari txikigela eta ludoteka bat jartzea proposatzen diot”, azaltzen du sinatzeko banatu dituen orrietan Itziar Ziemkiewicz-ek. Bere proposamena aurrera ateratzeko beste gurasoen laguntza eskatu du.
Ziemkiewicz-en ustez begirale bat nahikoa litzateke ekimenerako: “Txikigelan gurasoak haurrekin egon behar dute, eta umeen zein materialaren erabilpen egokiaren arduradun izango lirateke. 6 urtetik gorako haurrentzako ludotekan, begirale bat beharko litzateke”, eta bertan jostailuak, liburuak eta esku lanak egiteko materiala egon beharko lukeela esaten du.
Proposamena egin duen amarekin harremanetan jarri nahi duenak posta elektroniko bidez egin dezake
