Ane Labakak irabazi du Xenpelar Sariko lehenengo kanporaketa
Atzo jokatu zuten XXI. Xenpelar Sariko lehenengo kanporaketan Ane Labaka izan zen garaile, Aitor Urbieta eta Gorka Maizen aurretik. Dena den, Labakak agurrean esan zuenez atzerrira doa, hortaz, finalean ezingo du kantatu. Hori horrela, Urbieta eta Maiz...
Atzo jokatu zuten XXI. Xenpelar Sariko lehenengo kanporaketan Ane Labaka izan zen garaile, Aitor Urbieta eta Gorka Maizen aurretik. Dena den, Labakak agurrean esan zuenez atzerrira doa, hortaz, finalean ezingo du kantatu. Hori horrela, Urbieta eta Maiz dira abenduaren 8an jokatuko duten finalean egongo direnak. Laugarren postuan Haritz Casabal geratu zen, bosgarrenean Amaia Iturriotz eta seigarrenean Maddi Ane Txoperena.
Oholtza gainera igotako sei bertsolariek lau ariketa egin zituzten: lehenengo ofizioan hiruna bertso abestu zituzten neurri eta doinu librean; bigarren ofizioan hiruna bertso kantatu zituzten Iparragirre abilla dela doinuan; hirugarren ariketa launa kopla abestea izan zen, eta azkenik kartzelako lana, hiruna bertso zortziko handian.
Xenpelar Bertso Eskolak azaldu duenez, oro har saio txukuna eskaini zuten sei bertsolariek.
Sailkapena:
1. Ane Labaka (209,5 puntu)
2. Aitor Urbieta (200,5 puntu)
3. Gorka Maiz (197 puntu; kartzelako lanak eman zion 3. postua)
4. Haritz Casabal (197 puntu)
5. Amaia Iturriotz (191 puntu)
6. Maddi Ane Txeperena (183,5 puntu)
