Donibaneko arraun teknifikazio zentroak aldundiaren laguntza jaso du
Pasaiako Arraunketako Teknifikazio Zentroa finantzatzeko lankidetza hitzarmena sinatu zuten atzo Pasaiako Udalak eta Gipuzkoako Foru Aldundiak. Aldundiak 300.000 euro emateko konpromisoa hartu zuen, eta bertan aurreikusia dagoen kirol azpiegituran egin beharreko inbertsioa da. Donibaneko Bizkaia aldeko azpiegituraren kostu osoa (kirol instalazioak eta kultura gunea) 4.500.000 eurokoa da. Ikerne Badiola aldundiko Kultura, Gazteria eta Kirol diputatuak eta Amaia Agirregabiria Pasaiako alkateak sinatu zuten hitzarmena. Eraikin horren lehen fasea amaitzear direla jakinarazi zuten atzo. Hala, aldundiak finantzatuko duena eraikinaren kirol instalazioen zati bat izango da. Arrauna eta piraguismoa egiten dutenek erabiliko dituzte bertako zerbitzuak. Eraikinak, orotara, 5.800 metro koadro ditu, hiru solairutan banatuta. Lehen solairuan administrazio bulegoa, entrenatzaileen gela, hiru aldagela eta komunak egongo dira. Beheko solairu bat ere izango du azpiegiturak: bertan ontzi eta piragua biltegia nahiz tailerra izango dira. Kultura gunea ere bada Donibaneko eraikina, eta horren arabera, 200 eserlekuko antzokia eta erakusketa gela izango ditu, 415 metro koadrokoak. Bigarren solairuan arraunketa eta piraguismo fosoak jarriko dituzte. Gimnasioak bigarren eta hirugarren solairutan egongo dira, eta bigarrenean, zehazki, bi frontoi txiki eta beroketa eta gimnasio eremua egongo dira. Sendagile eta fisioterapeutentzat prest izango diren gelak ere bigarren pisuan egongo dira. Hirugarren solairuan pisu makinak eta ergometroak jarriko dituzte.
Ikerne Badiola eta Amaia Agirregabiria, hitzarmena sinatzen
Pasaiako Arraunketako Teknifikazio Zentroa finantzatzeko lankidetza hitzarmena sinatu zuten atzo Pasaiako Udalak eta Gipuzkoako Foru Aldundiak. Aldundiak 300.000 euro emateko konpromisoa hartu zuen, eta bertan aurreikusia dagoen kirol azpiegituran egin beharreko inbertsioa da. Donibaneko Bizkaia aldeko azpiegituraren kostu osoa (kirol instalazioak eta kultura gunea) 4.500.000 eurokoa da. Ikerne Badiola aldundiko Kultura, Gazteria eta Kirol diputatuak eta Amaia Agirregabiria Pasaiako alkateak sinatu zuten hitzarmena.
Eraikin horren lehen fasea amaitzear direla jakinarazi zuten atzo. Hala, aldundiak finantzatuko duena eraikinaren kirol instalazioen zati bat izango da. Arrauna eta piraguismoa egiten dutenek erabiliko dituzte bertako zerbitzuak. Eraikinak, orotara, 5.800 metro koadro ditu, hiru solairutan banatuta.
Lehen solairuan administrazio bulegoa, entrenatzaileen gela, hiru aldagela eta komunak egongo dira. Beheko solairu bat ere izango du azpiegiturak: bertan ontzi eta piragua biltegia nahiz tailerra izango dira. Kultura gunea ere bada Donibaneko eraikina, eta horren arabera, 200 eserlekuko antzokia eta erakusketa gela izango ditu, 415 metro koadrokoak.
Bigarren solairuan arraunketa eta piraguismo fosoak jarriko dituzte. Gimnasioak bigarren eta hirugarren solairutan egongo dira, eta bigarrenean, zehazki, bi frontoi txiki eta beroketa eta gimnasio eremua egongo dira. Sendagile eta fisioterapeutentzat prest izango diren gelak ere bigarren pisuan egongo dira.
Hirugarren solairuan pisu makinak eta ergometroak jarriko dituzte.
