Hondarribia-Irunek Koparako aukerak mantentzen ditu
Asteburuan atseden egin du Hondarribia-Irun saskibaloi taldeak. Emakumeen Ligan 11 talde daudenez, astebururo batek ez du jokatzen, eta azken jardunaldian hondarribiarrei tokatu zaie. Baina adi-adi egon dira besteek zer egiten zuten ikusteko, Erreginaren Kopa zeintzuk jokatuko duten zehazteko bi aste besterik ez baitira geratzen. Sailkapeneko lehengo laurek irabazi zuten eta, antza, talde horiek dira Kopa jokatzeko aukera gehien dituztenak: Rivas da lider (bederatzi garaipen), ondoren Unigirona eta Perfumerias Avenida daude (sei), eta Tintos de Toro (bost). Eta hurrengo sailkatua da Hondarribia-Irun, 4 garaipenekin. Rivasek eta Tintos de Torok ez dute oraindik atsedenik hartu eta horrek esan nahi du, Anne Peñaren neskek hurrengo partida irabaziz gero, laugarren postuan berdinduko luketela Tintos de Tororekin. Liderrari irabazi beharra Hondarribia-Irunek aukerak ditu, baina zaila izango da. Batetik, geratzen diren bi partidak irabazi beharko lituzte, eta azken jardunaldia porrotik gabe dagoen Rivasen kontra jokatuko du. Eta, bestetik, irabazita ere, aldeko puntuak pilatu beharko lituzke, Tintos de Torok sartutako eta jasotako puntuen diferentzia oso aldekoa baitu momentuz. Sailkatzeko beste aukera bat litzateke Tintos de Torok datorren asteburuko partida galtzea. Zamorako taldeari partida bakarra geratzen zaio jokatzeko, sailkapeneko azkenaren kontra. Tintos de Torok Bembibrerekin galdu eta Hondarribia-Irunek bi partidak irabaziz gero, Hondarribiko taldeak Erreginaren Kopa jokatuko luke, [...]
Asteburuan atseden egin du Hondarribia-Irun saskibaloi taldeak. Emakumeen Ligan 11 talde daudenez, astebururo batek ez du jokatzen, eta azken jardunaldian hondarribiarrei tokatu zaie. Baina adi-adi egon dira besteek zer egiten zuten ikusteko, Erreginaren Kopa zeintzuk jokatuko duten zehazteko bi aste besterik ez baitira geratzen.
Sailkapeneko lehengo laurek irabazi zuten eta, antza, talde horiek dira Kopa jokatzeko aukera gehien dituztenak: Rivas da lider (bederatzi garaipen), ondoren Unigirona eta Perfumerias Avenida daude (sei), eta Tintos de Toro (bost). Eta hurrengo sailkatua da Hondarribia-Irun, 4 garaipenekin. Rivasek eta Tintos de Torok ez dute oraindik atsedenik hartu eta horrek esan nahi du, Anne Peñaren neskek hurrengo partida irabaziz gero, laugarren postuan berdinduko luketela Tintos de Tororekin.
Liderrari irabazi beharra
Hondarribia-Irunek aukerak ditu, baina zaila izango da. Batetik, geratzen diren bi partidak irabazi beharko lituzte, eta azken jardunaldia porrotik gabe dagoen Rivasen kontra jokatuko du. Eta, bestetik, irabazita ere, aldeko puntuak pilatu beharko lituzke, Tintos de Torok sartutako eta jasotako puntuen diferentzia oso aldekoa baitu momentuz.
Sailkatzeko beste aukera bat litzateke Tintos de Torok datorren asteburuko partida galtzea. Zamorako taldeari partida bakarra geratzen zaio jokatzeko, sailkapeneko azkenaren kontra. Tintos de Torok Bembibrerekin galdu eta Hondarribia-Irunek bi partidak irabaziz gero, Hondarribiko taldeak Erreginaren Kopa jokatuko luke, eta sekulako pausua emango luke denboraldiko bigarren itzulia lasai jokatzeko.
Izan ere, Kopa jokatuko duten lau taldeetako bat izateko borrokan ari bada, jaitsiera postuak bi partidetara besterik ez ditu Hondarribia-Irunek. Sailkapenean bere atzetik lau talde daude hiru garaipenekin, eta jaitsiera postuetan Conquero, bi partida irabazita, eta Bembibre, garaipen bakarrarekin.
