Bertso trama antolatu du Mañontzi Bertso Eskolak hilaren 22rako. Sustrai Colina, Alaia Martin, Jon Maia eta Amets Arzallus bertsolariak ariko dira Gezala Auditoiumeko taula gainean, 20:00etatik aurrera Josu Goikoetxeak sortutako bertso trama harilkatzen. Sarrerak dagoneko eros daitezke 7 euroan Kultura bulegoan edo webgune honetan.
Sorkun Rubio Kashbadeko abeslariak Facebook orrialdean jakinarazi duenez, badaukate data disko berria kaleratzeko: apirilak 30. Disko berria Bonberenea Ekintzak-ekin argitaratuko dutela aurreratu du, eta kontzertu batzuk emango dituztela.