Udal hauteskundeetarako herri programa finkatuko du EH Bilduk hilabete honetan
Hiru batzar egingo ditu hilabete honetan koalizio ezkertiar eta soberanistak, udaberriko bozketak lantzen joateko. Hilaren 13an eta 20an (Xenpelar Etxean, 19:00etan) eta 29an (Alkartetxean, 11:00etan) izango dira bilerak.
Hiru batzar egingo ditu hilabete honetan koalizio ezkertiar eta soberanistak, udaberriko bozketak lantzen joateko. Gaur goizean agerraldia egin dute EH Bilduko hainbat ordezkarik, Alkartetxean. Itsasne Alvarez de Eulatek —euskaraz— eta Ritxar Martinezek —gazteleraz— hartu dute hitza, eta EH Bildu “testuinguru sozial eta politiko konkretu batean” jaio zela gogorarazi dute. “Aldaketa politiko eta soziala ahalbidetuko indar metaketa sortzeko instrumentua da”, adierazi dute, “Euskal Herria bezalako herri bati eskubideak ukatzen dizkion estatuari eta sistema neoliberalari aurre egiteko”.
Euren helburua Errenteria-Oreretan, azken bost hauteskundeetan bezala, indar bozkatuena izaten jarraitzea da. “Helburu hori betetze aldera”, ziurtatu dute, “lehen pausua herri programaren oinarriak finkatzea da”. Herritarrekin osatu nahi dute, udalerriaren beharrak eta lehentasunak zeintzuk diren jasotzeko. Horrela, ezkertiar eta soberanista guztiak gonbidatu dituzte hiru batzarretan parte hartzera. Hau da egutegia:
EH Bilduren agerraldia, udal hauteskundeen lanketa aurkeztuz
- Azaroak 13, 19:00etan, Xenpelar Etxean: Herri ereduaren gaineko eztabaida.
- Azaroak 20, 19:00etan, Xenpelar Etxean: Proiektu zehatzen gaineko eztabaida.
- Azaroak 29, 11:00etan, Alkartetxean: Orereta/Errenteria artikulatuz.
