Herri Musikaren Jardunaldiak egingo dituzte asteburuan Oiartzunen
Larunbatean eta igandean ahotsaren eta entonazioaren gainekom gogoeta egingo dute. Kataluniako Tornaveus taldea Oiartzunen izango da.
Soinuenea Fundazioak aurten ere, Herri Musikaren Jardunaldiak egingo ditu Oiartzunen. Jardunldi horien 13. ekitaldia da aurtengoa, eta etzi (larunbata) eta igandean izango dira horren barruko saioak. Aurten, Intonazioak eta kantu tradizionala gaiari helduko diote Soinueneako kideek, eta hainbat gonbidatuk ideia horretan sakonduko dute, hitzez, eta musikaz. Honakoa da astebururako egitaraua:
Hilak 15, larunbata
- 10:30ean, aurkezpena
- 11:00etan, Ipar Euskal Herriko herri-kantaera tradizionala. Intonazio anbiguoa, Agustin Mendizabalen eskutik.
- 12:00etan, Zuberoako herri-kantaeraren abeslari baten lekukotasuna, Jean Mixel Bedaxagarren eskutik.
- 13.00etan, Le chant basque monodique (1897 – 1990): analyse musicologique comparée des sources écrites et musicales izeneko agerraldia, Marie Hirigoyen – Bidarten eskutik.
- 16:00etan: La entonación, los acentos y la duración de la lengua frente a la de los cantos: un tema crucial para el estudio de los cantos orales izeneko hizketaldia, Jaume Ayats-en eskutik.
- 16:30ean, Cantar para construir territorio: los gozos de los santos en el Pirineo. Ester G. Llop-en eskutik.
- 17:30ean, mahai ingurua. Kantu tradizionalean agertzen diren intonazioak gaurko inguru musikalean. Moderatzailea: Jon Bagues.
- 11:00etan, Elizalden, Euskal Herriko soinu-tresnak kalez kale.
- 12:30ean, Oiartzungo udaletxeko areto nagusian zuzeneko musika emanaldia, Jean Mixel Bedaxagar, Jon Enbeita eta Tornaveus Kataluniako ahots taldearekin.
- 14:30ean, bazkaria eta kantu festa.
