PSE-EEk Bou Nabarra aparkalekuaren kudeaketa kritikatu du

San Pedroko aparkalekuaren auzia EH Bilduren porrotaren erakusgarri da Pasaiako sozialisten ustez.

PSE-EEk salatu duenez, uda aurretik jakinarazi zion udal gobernu taldeak Bou Nabarra plaza azpiko aparkalekuaren hirugarren solairua bere gain hartu eta errotazio aparkaleku sistema ezarriko zutela bertan. Arraunlari kaleko aparkalekuak egoiliarrentzat gordetzearekin batera aurreikusi zuen gobernuak aipatu neurria, beti ere sozialisten arabera. Bada, orain PSE-EEk jakin duenez, ez da egon aparkalekua eskuratu ahal izateko lizitaziorik, eta urte honetan ez dela errotazio sistemako aparkalekurik ezarriko iragarri dute. PSE-EEren arabera, San Pedroko aparkalekuaren kudeaketa “udal gobernuaren porrot handienetakoa izan da”. “Bilduk orain dela  bi urte iragarri zuen mugikortasun eta aparkaleku plana udalerri osoarentzat, eta aipatu plana gaur gaurkoz ez dakigu ezer”, kexu dira sozialistak. “Utzikeria, planifikaziorik eza eta irizpide falta” egozten dizkio PSE-EEk gobernu taldeari.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.